12 Ноябр 2018
Иштироки ҳайати Ҷумҳурии Тоҷикистон дар якумин «Намоишгоҳи байналмилалии воридотии Экспо»
- Подробности статьи
5-10 ноябри соли ҷорӣ дар якумин «Намоишгоҳи байналмилалии воридотии Экспо» дар шаҳри Шанхайи Ҷумҳурии Халқии Хитой ҳайати Ҷумҳурии Тоҷикистон таҳти роҳбарии Вазири рушди иқтисод ва савдо Неъматулло Ҳикматуллозода иштирок варзид.
Читать далееАфзоиши воридоти нафт дар Ҷумҳурии Халқии Хитой
- Подробности статьи
Тибқи маълумоти Саридораи гумруки Ҷумҳурии Халқии Хитой дар моҳи октябр воридоти нафт ба кишвар бо ҳисоби солона 31 фоиз зиёд гардида, 400 млн. тоннаро ташкил додааст.
Дар моҳҳои январ-октябр воридоти нафт дар Хитой 8,1 фоиз ва маҳсулоти нафтӣ 11 фоиз афзоиш ёфта, мутаносибан ба 377,2 млн. тонна ва 27,14 млн. тонна баробар гардид.
Дар баробари ин, содироти нафт аз Хитой дар моҳҳои январ-октябр 39 фоиз коҳиш ёфта, 2,3 млн. тоннаро ташкил дод.
Содироти маҳсулоти нафтӣ дар моҳҳои январ-октябри соли ҷорӣ 48,1 млн. тоннаро ташкил намуд, ки нисбат ба ҳамин давраи соли гузашта 19 фоиз зиёд мебошад.
Читать далее
Афзоиши ҳаҷми гардиши савдо байни Федератсияи Россия ва Ҷумҳурии Халқии Хитой дар даҳ моҳи соли 2018
- Подробности статьи
Воридоти молҳо ва хизматрасонӣ аз Федератсияи Россия ба Ҷумҳурии Халқии Хитой дар моҳҳои январ-октябри соли ҷорӣ 44,0 фоиз зиёд гардид.
Ҳаҷми гардиши савдо байни Федератсияи Россия ва Ҷумҳурии Халқии Хитой дар моҳҳои январ-октябри соли ҷорӣ 28,2 фоиз афзоиш ёфта, 87,2 млрд. долларро ташкил дод.
Тибқи маълумоти Саридораи гумруки Ҷумҳурии Халқии Хитой содироти мол аз Хитой ба Россия дар ин давра 13,0 фоиз афзоиш ёфта, 39,3 млрд. долларро ташкил дод. Содироти молҳо ва хизматрасонӣ аз Россия ба Хитой 44,0 фоиз афзоиш ёфта, 48,0 млрд. долларро ташкил дод.
Читать далее
Афзоиши нархи бензин дар Ҷумҳурии Ӯзбекистон
- Подробности статьи
Вазорати адлияи Ҷумҳурии Ӯзбекистон иттилоъ медиҳад, ки Ҳукумати Ӯзбекистон аз 16 ноябри соли ҷорӣ нархи чаканаи бензин ва сӯзишвории дизелиро бо ҳисоби миёна 10,9 фоиз зиёд менамояд.
Арзиши 1 литр бензини навъи Аи-80 дар ҳаҷми 5,2 фоиз (аз 3,8 ҳазор сум то 4 ҳазор сум, 0,49 доллари ИМА), Аи-91 4,6 фоиз (аз 4,3 ҳазор сум то 4,5 ҳазор сум, 0,55 доллар), сӯзишвории дизелӣ 17,0 фоиз (аз 4,1 ҳазор сум то 4,8 ҳазор сум, 0,58 доллар) зиёд мегардад.
Дар солҳои 2000-2018 воридоти нафт ва маҳсулоти нафтӣ дар Ӯзбекистон 2,6 маротиба зиёд гардида, то 940 млн. доллар баробар гардид.
Иқтидори умумии корхонаҳои коркарди нафти Ӯзбекистон 10 млн. тонна нафтро дар як сол ташкил медиҳад, ки бо иқтидори 40,0 фоиз фаъолият менамоянд.
Дар даҳ соли охир истихроҷи нафт дар кишвар 3,8 маротиба то 800 ҳазор тонна ва конденсати газ 28,0 фоиз то 1,4 млн. тонна коҳиш ёфтааст.
Читать далее
Баҳодиҳии рушди иқтисодиёти Ҷумҳурии Белорус дар солҳои 2019-2020 аз ҷониби
- Подробности статьи
Бонки Ҷаҳонӣ Бонки Ҷаҳонӣ дурнамои рушди иқтисодиёти Ҷумҳурии Белорусро таҷдиди назар намуда, онро дар солҳои 2019-2020 дар сатҳи то 2,0 - 2,5 фоиз пешгӯӣ намудааст.
Ҳукумати Ҷумҳурии Белорус рушди иқтисодиёти кишварро дар соли 2018 дар сатҳи 3,7 фоиз ва соли 2019-ум 4,0 фоиз пешбинӣ менамояд.
Иқтисодчии Бонки Ҷаҳонӣ изҳор намуд, ки дар Белорус хизматрасонии қарзи давлатӣ, ки маблағгузории дарозмуҳлатро талаб менамояд, масъалаи ҳалталаб боқӣ мемонад.
Тибқи маълумоти Ҳукумати кишвар хароҷоти ҷумҳурӣ барои хизматрасонии қарзи беруна дар соли 2019-ум 3,6 млрд. долларро ташкил менамояд, ки ин нисбат ба соли 2018-ум 100 млн. доллар кам мебошад.
Читать далееАфзоиши касри савдои ИМА дар моҳи сентябр
- Подробности статьи
Тибқи иттилои Агентии «Bloomberg» касри савдои ИМА дар моҳи сентябр афзоиш ёфт, ки ин дар давоми ҳафт моҳи соли ҷорӣ нишондиҳандаи максималӣ ба ҳисоб меравад.
Аз рӯи маълумоти Вазорати савдои ИМА тавозуни касри савдо дар моҳи сентябр нисбат ба моҳи гузашта 1,3 фоиз зиёд гардида, 54 млрд. долларро ташкил намуд.
Содироти мол ва хизматрасонӣ аз ҳисоби зиёд шудани содироти ҳаҷми маҳсулоти саноатӣ 1,5 фоиз боло рафта, ба 212,6 млрд. доллар баробар гардид. Воридоти молу хизматрасонӣ 1,5 фоиз афзоиш ёфта, 266,6 млрд. долларро ташкил намуд. Аз рӯи ҳисоботи Вазорати савдои ИМА дар моҳи сентябр касри савдо бо Чин ба андозаи 4,3 фоиз зиёд гардида, ба 40,2 млрд. доллар расид.
Читать далее