19 Ноябр 2018

Рушди иқтисодиёти Ҷумҳурии Қазоқистон дар моҳҳои январ-октябри соли ҷорӣ

Подробности статьи

Вазири иқтисоди миллии Ҷумҳурии Қазоқистон изҳор намуд, ки бо назардошти афзоиши ҳаҷми сармоягузорӣ ва истеҳсолот рӯшди иқтисодиёт дар моҳҳои январ-октябр 4,1 фоиз рушд ёфт.

Дар ин давра ҳаҷми сармоягузорӣ ба сармояи асосӣ 20,8 фоиз ва истеҳсоли маҳсулоти саноатӣ 4,7 фоиз афзоиш ёфт.

Гардиши савдои хориҷӣ дар моҳҳои январ-сентябри соли ҷорӣ бо назардошти афзоиш ёфтани воридоти маҳсулоти нафтӣ, маҳсулоти кишоварзӣ, газ, алюминий ва мис ба андозаи 21,6 фоиз, аз ҷумла содирот 28,2 фоиз рушд ёфт.

Пешниҳоди Ҳукумати Ҷумҳурии Украина оид ба баланд бардоштани меъёри фоизи андоз ба фонди музди меҳнат

Подробности статьи

 Ҳукумати Ҷумҳурии Украина бо мақсади ҷалб намудани захираҳои иловагӣ ба Фонди давлатии нафақа ба парлумони кишвар ҷиҳати баланд бардоштани меъёри фоизи андоз ба фонди музди меҳнат дар соли 2019-ро пешниҳод намуд.

Дар соли 2018 аз ҳисоби буҷет барои пӯшонидани камомади Фонди нафақа зиёда аз 100 млрд. гривен пешбинӣ шудааст, ки ин 10 фоизи хароҷоти буҷетро ташкил медиҳад.

Вазири сиёсати иҷтимоии Украина дар ҷаласаи Ҳукумат баён намуд, ки бо назардошти пешниҳоди мазкур ба Фонди нафақа дар як сол иловатан то 10 млрд. гривен (358 млн. доллари ИМА) маблағ ворид мегардад. Вазир баён намуд, лоиҳаи қонуни мазкур афзоиши манбаи андозбандиро аз меъёри базавии 22,0 фоиз то 25 фоиз пешбинӣ менамояд.

Афзоиши воридоти мол дар Федератсияи Россия

Подробности статьи

Тибқи маълумоти пешакии мақомоти гумруки Федератсияи Россия дар моҳҳои январ-сентябри соли 2018 воридоти мол ба кишвар аз давлатҳои хориҷи дур бо ифодаи арзишӣ 156,5 млрд. долларро ташкил намуд, ки нисбат ба ҳамин давраи соли гузашта 8,1 фоиз зиёд мебошад.

Дар моҳи сентябри соли ҷорӣ бошад воридоти мол аз давлатҳои хориҷи дур бо ифодаи арзишӣ ба 17,2 млрд. доллар баробар гардид, ки нисбат ба моҳи сентябри соли 2017 ба андозаи 1,6 фоиз ва нисбат ба моҳи августи соли ҷорӣ 7,9 фоиз коҳиш ёфтааст.

Дар ин давра воридоти маҳсулоти нассоҷӣ ва пойафзол 25 фоиз (1,1 млрд. долларро ташкил дод), маҳсулоти кимиё 10,9 фоиз (2,9 млрд. доллар), маҳсулоти мошинсозӣ 6,6 фоиз (8,9 млрд. доллар), инчунин маҳсулоти озуқаворӣ ва ашё барои истеҳсоли он 6,2 фоиз (1,6 млрд. доллар) коҳиш ёфт. дошта шуд.

Баҳодиҳии рушди иқтисодиёти Федератсияи Россия дар солҳои 2018-2021

Подробности статьи

Агентии рейтингии байналмилалии «Standard & Poor’s» рушди иқтисодиёти Федератсияи Россияро дар солҳои 2018-2021 дар сатҳи 1,7-1,8 фоиз пешгӯӣ намудааст.

Дар баробари ин Ҳукумати мамлакат рушди иқтисодиётро дар соли 2021 3 фоиз пешбинӣ кардааст.

Тибқи маълумоти «Вести экономика» дар аввали моҳи ноябри соли 2018 Бонки Аврупоии Таҷдид ва Рушд рушди иқтисоди ин кишварро дар солҳои 2018-2019 дар сатҳи 1,5 фоиз нигоҳ дошт.

 Дар моҳи октябри соли 2018 Агентии рейтингии баймалмилалии «Moody’s» рушди иқтисоди Федератсияи Россияро дар солҳои 2018-2019 аз 1,5 фоиз то 1,7 фоиз зиёд намуд. Тибқи баҳодиҳии Вазорати рушди иқтисоди Федератсияи Россия рушди иқтисодиёт дар соли 2018-ум 1,8 фоиз ва дар соли 2018 то 1,3 фоиз коҳиш меёбад.

Хазинаи Байналмилалии Асъор рушди иқтисоди Россияро таҷдиди назар намуда, онро дар соли 2019-ум 1,8 фоиз пешбинӣ намудааст, ки нисбат ба дурнамои қаблӣ 0,3 банди фоизӣ зиёд мебошад. Рушди иқтисодиёт дар соли 2018 дар сатҳи 1,7 фоиз нигоҳ дошта шуд.

Баҳодиҳии ОПЕК оид ба барзиёдии нафт дар бозори ҷаҳон дар соли 2019

Подробности статьи

Тибқи маълумоти Агентии «Reuters» ОПЕК огоҳ намудааст, ки дар соли 2019 бо назардошти коҳиш ёфтани рушди иқтисоди ҷаҳон ва афзоиши таҳвили нафт барзиёдатӣ дар бозори ҷаҳонии нафт пешбинӣ мегардад.

ОПЕК дурнамои рушди талаботи нафт дар ҷаҳон дар соли 2019-ро таҷдиди назар намуда, пешбинӣ менамояд, ки талабот ба нафт дар ҷаҳон дар соли 2019 дар ҳаҷми 1,3 млн. баррел дар як шабонарӯз афзоиш ёфта, нисбат ба баҳодиҳии қаблӣ 70 ҳазор баррел дар як шабонарӯз кам мебошад.

Тибқи дурнамои ОПЕК ҳаҷми истеҳсоли нафти берун аз картел дар соли 2019 нисбат ба баҳодиҳии қаблӣ 120 ҳазор баррел дар як шабонарӯз зиёд гардида, дар маҷмӯъ 2,2 млн. баррелро дар як шабонарӯз ташкил медиҳад. Бояд қайд кард, ки захираҳои нафт барои тиҷорат дар давлатҳои аъзои «ОЭСР» дар моҳи сентябри соли ҷорӣ нисбат ба моҳи гузашта 5,5 млн. баррел зиёд гардида, дар маҷмӯъ 2,9 млрд. баррелро ташкил дод.

Тибқи гузориши ОПЕК захираҳои нафтӣ дар ин давра нисбат ба соли гузашта 111 млн. баррел кам мебошад.

Захираҳои нафти хом дар моҳи сентябр дар ҳаҷми 13,5 млн. баррел коҳиш ёфта, захираҳои маҳсулоти нафтӣ 19 млн. баррел зиёд гардидааст.

Изҳороти Ҳукумати Арабистони Саудӣ оид ба кам кардани ҳаҷми истихроҷи нафт дар ҷаҳон

Подробности статьи

Вазири энергетикаи Арабистони Саудӣ дар баромади худ дар конфронси «ADIPEC» давлатҳои истеҳсолкунандаи нафтро ба зарурияти кам кардани ҳаҷми истихроҷи нафт дар ҷаҳон нисбат ба нишондиҳандаи моҳи октябри соли ҷорӣ ба андозаи 1 млн. баррел дар як шабонарӯз даъват намуд.

Давлатҳои истеҳсолкунандаи нафт омодагии худро ҷиҳати кам кардани ҳаҷми истихроҷи нафт бо назардошти тағйирёбии вазъи бозор изҳор намуданд.

Инчунин Вазир қайд намуд, ки Арабистони Саудӣ ҳаҷми истихроҷи нафтро аз моҳи декабри соли ҷорӣ дар ҳаҷми 500 ҳазор баррел дар як шабонарӯз кам менамояд.

Ҷамъомади тантанавӣ ба муносибати оғози кори агрегати аввали Нерӯгоҳи барқи обии “Роғун”

Подробности статьи

17 ноябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар Наврӯзгоҳи пойтахт дар ҷамъомади тантанавӣ ба муносибати оғози кори агрегати аввали Нерӯгоҳи барқи обии “Роғун” иштирок ва суханронӣ карданд.