Январ 2019

07 Январ 2019

Афзоиши ҳаҷми содироти нафти Ҷумҳурии Ироқ дар моҳи декабр

 

 

 

Агентии «Bloomberg» дар робита ба маълумоти намояндаи Вазорати нафти Ҷумҳурии Ироқ иттилоъ медиҳад, ки содироти нафт аз Ироқ дар моҳи декабри соли 2018-ум 3,7 млн. баррелро дар як шабонарӯз ташкил дод, ки нисбат ба моҳи ноябр 10,0 фоиз зиёд мебошад.

Дар маҷмӯъ дар моҳи декабр Ироқ 115 млн. баррел нафт, аз ҷумла 112 млн. баррел нафт аз чоҳҳои ҷануби кишвар ва 3 млн. баррел аз чоҳҳои шимоли кишвар содир намудааст.

Инчунин тибқи маълумоти намояндаи Вазорати нафти Ироқ даромади кишвар аз содироти нафт (бо назардошти нархи миёнаи нафт барои як баррел 52,8 доллар) дар моҳи декабри соли 2018-ум 6,1 млрд. долларро ташкил кард.

 

 

 

Читать далее

Коҳишёбии сармоягузории Ҷумҳурии Халқии Хитой дар Олмон

 

 

 

Тибқи иттилои Агентии «Bloomberg» дар нимсолаи дуюми соли 2018 ширкатҳои Ҷумҳурии Халқии Хитой бо сабаби зери назорати қатъӣ гирифтани сармоягузории хориҷӣ аз тарафи Ҳукумати Олмон сармоягузориро ба ширкатҳои олмонӣ кам карданд.

Сармоягузорони Ҷумҳурии Халқии Хитой дар нимсолаи дуюми соли 2018 барои харидории саҳми ширкатҳои олмонӣ 311 млн. доллари ИМА сарф карданд, ки ин нишондиҳанда дар нимсолаи якуми соли ҷорӣ қариб 10 млрд. долларро ташкил медод.

 

 

 

Читать далее

Коҳишёбии рушди истеҳсоли молҳои саноатӣ ва фурӯши молҳои чакана дар Ҷопон

«Вести.Экономика» иттилоъ медиҳад, ки истеҳсоли маҳсулоти саноатӣ дар Ҷумҳурии Ҷопон дар моҳи ноябри соли 2018 нисбат ба моҳи гузашта бо назардошти коҳишёбии истеҳсоли таҷҳизоти истифодаи умум 1,1 фоиз кам гардид.

Истеҳсолкунандагони пурсидашудаи Вазорати иқтисод, савдо ва саноати Ҷумҳурии Ҷопон афзоиши истеҳсоли маҳсулоти саноатиро дар моҳи декабр дар сатҳи 2,2 фоиз ва коҳишёбии онро дар моҳи январи соли 2019 дар сатҳи 0,8 фоиз пешбинӣ менамоянд.

Бо вуҷуди ин, таъсири эҳтимолии хавфи ҷангҳои тиҷоратии байни ИМА ва Ҷумҳурии Халқии Хитой, ки ҳанӯз ба истеҳсолоти саноатии Ҷопон таъсири манфӣ нарасонидааст, боиси нигаронӣ мебошад.

Читать далее

Сустшавии рушди иқтисоди ҷаҳон дар соли 2019

 

 

 

Бонки марказии Аврупо (БМА) дар маҷаллаи иқтисодии худ изҳор намуд, ки заифгардии дастгирии сиёсӣ дар кишварҳои иқтисодиёти пешрафта ва ҷой доштани таъсири низоъҳои тиҷоратӣ байни ИМА ва Хитой ба вазъи иқтисодиёти ҷаҳон таъсири манфӣ расонида, боиси сустшавии рушди он дар соли 2019 мегардад.

Аз рӯи натиҷаҳои ҷаласаи моҳи декабри соли 2018 БМА меъёри фоизи қарзҳоро дар сатҳи сифр ва меъёри пасандозҳоро дар сатҳи 0,4 фоизи солона боқӣ монд.

Бонки марказӣ изҳор намуд, ки мақсад дорад меъёри калидиро то охири тобистони соли 2019 дар сатҳи қаблӣ боқӣ монад. Бонки марказӣ дурнамои сатҳи таваррумро дар соли 2018 аз 1,7 фоиз то 1,8 фоиз ва дар соли 2019 аз 1,7 фоиз то 1,6 фоиз баҳодиҳӣ намуд.

 

 

 

Читать далее
обзоры автоновинок kaps4karing.com
село ремонтное