Март 2019

Вохӯрии Неъматулло Ҳикматуллозода бо намояндагони Бонки Аврупоии Таҷдид ва Рушд

Подробности статьи

Имрӯз дар Вазорати рушди иқтисод ва савдои Ҷумҳурии Тоҷикистон вохӯрии Вазир, Неъматулло Ҳикматуллозода бо намояндагони Бонки Аврупоии Таҷдид ва Рушд  баргузор гардид.

Вохӯрии Неъматулло Ҳикматуллозода бо Ҳайати соҳибкорони хитоӣ

Подробности статьи

Имрӯз дар Вазорати рушди иқтисод ва савдои Ҷумҳурии Тоҷикистон вохӯрии Вазир, Неъматулло Ҳикматуллозода бо Ҳайати соҳибкорони хитоӣ таҳти роҳбарии Ху Син – Менеҷер оид ба масъалаҳои тиҷоратии Ширкати Чайна Машинари Индастри Констракшн Групп Инк баргузор гардид.

Вохурии Неъматулло Ҳикматуллозода бо намояндагони Хазинаи байналмилалии асъор

Подробности статьи

Имрӯз дар Вазорати рушди иқтисод ва савдо вохурии Вазир, Неъматулло Ҳикматуллозода бо намояндагони Хазинаи байналмилалии асъор таҳти роҳбарии хонум Падамжӣ Ханделвал баргузор гардид.

Ҷопон ҳаҷми воридоти нафтро аз Федератсияи Россия назаррас кам кард

Подробности статьи

Мувофиқи маълумоти «Вести. Экономика» Хадамоти гумруки Ҷумҳурии Ҷопон иттилоъ медиҳад, ки дар моҳи январ Ҷопон воридоти нафтро аз Федератсияи Россия бо ҳисоби солона 40,5 фоиз кам кард.

Дар моҳи январи соли ҷорӣ Ҷопон дар маҷмӯъ 14,8 млн. тонна нафт ба маблағи 638 млрд. йен воридот намуд. Дар баробари ин воридоти гази моеъи Россия (СПГ) ба Ҷопон дар моҳи январ нисбат ба ҳамин давраи соли гузашта то 616,9 ҳазор тонна коҳиш ёфт.

Ҷопон дар ҷаҳон яке аз калонтарин кишварҳои воридкунандаи гази моеъ ба ҳисоб рафта, дар моҳи январ харидории гази моеъро аз бозори ҷаҳонӣ 8,6 фоиз то 7,55 млн. тонна коҳиш дод.

Иқдоми шоҳигарии Қатар оид ба истеҳсоли нерӯи барқи арзон дар Ҷумҳурии Ӯзбекистон

Подробности статьи

Мувофиқи маълумоти «Sputnik» Вазорати сармоягузорӣ ва савдои хориҷии Ҷумҳурии Ӯзбекистон иттилоъ медиҳад, ки ширкати қатарии «Redco International» иқдом намудааст, ки лоиҳаҳои гуногунро дар соҳаи энергетикаи Ҷумҳурии Ӯзбекистон амалӣ намояд.

Оид ба масъалаи мазкур миёни намояндагони Вазорати сармоягузорӣ ва савдои хориҷии Ӯзбекистон ва роҳбари ширкати қатарии «Redco International» гуфтушунидҳо баргузор гардид.

Ширкати «Redco International» чунин лоиҳаҳоро аллакай дар давлатҳои Озарбойҷон, Покистон, Нигерия ва Қазоқистон бо назардошти таъмини нарх ба андозаи 4 сент барои як квт/с. (тақрибан 336 сӯм) истеҳсоли барқро оғоз намудааст.

Иқдоми Ҷумҳурии Ӯзбекистон оид ба зиёд намудани захираҳои тилло

Подробности статьи

Ҷумҳурии Ӯзбекистон тақрибан 45,0 фоизи сармоягузориҳоро барои гузаронидани корҳои таҳқиқотию геологӣ ҷиҳати арзёбӣ ва ҷустуҷӯи тилло сафарбар менамояд.

Бо назардошти лоиҳаи консепсияи рушди соҳаи геологияи Ӯзбекистон дар солҳои 2020-2024, ки аз ҷониби Кумитаи давлатӣ оид ба геология ва захираҳои маъдан таҳия гардидааст, афзоиши захираҳои тилло дар кишвар дар солҳои 2020-2024 метавонад 474 тоннаро ташкил диҳад ва арзиши он 18,75 млрд. доллари ИМА арзёбӣ мегардад.

Ҳаҷми сармоягузориҳо дар корҳои таҳқиқотӣ - геологӣ оид ба тилло бояд 230 млн. долларро ташкил диҳад.

Ҳаҷми асосии корҳо дар ноҳияҳои Қизилқуми марказии вилояти Навоӣ, инчунин вилоятҳои Самарқанд ва Тошкент гузаронида мешавад.

Профитсити буҷети Ҷумҳурии Федеролии Олмон

Подробности статьи

Мувофиқи маълумоти Агентии федеролии омори кишвар (Destatis) аз рӯи ҷамъбасти соли 2018 дар иқтисодиёт баъд аз якҷояшавии Олмон дар соли 1990 профитсити рекордии буҷет ба қайд гирифта шуд.

Тарози мусбии буҷет дар соли 2018 то 58 млрд. евро зиёд гардид, ки ин 1,7 фоизи ММД-ро ташкил медиҳад. Афзоишиш назарраси даромад нисбат ба хароҷот дар соли 2018 аз ҳисоби зиёдшавии воридоти андозӣ, саҳмияҳои иҷтимоӣ ва вазъи муътадили бозори меҳнат дар Олмон таъмин гардид.

Даромади буҷети Олмон дар соли 2018 -ум 4,7 фоиз афзоиш ёфта, 1 триллиону 543,6 млрд. евро ва профитсити буҷети федеролӣ 17,9 млрд. евроро ташкил дод.

Иқдомоти Ҷумҳурии Халқии Хитой ҷиҳати маҳдуд кардани воридоти ангишт аз Австралия

Подробности статьи

Мувофиқи маълумоти Агентии «Reuters» намояндаи ширкат - оператори бандари «Dalian Port Group» изҳор намуд, ки Хадамоти гумруки Далян воридоти ангиштро аз Австралия қатъ намуда, ҳаҷми умумии воридоти онро то охири соли ҷорӣ дар сатҳи 12 млн. тонна маҳдуд намуд. \

Агентии мазкур иттилоъ медиҳад, ки тафтишоти нисбат ба воридоти ангишти Австралия қабулгардида ба воридоти ангишт аз давлатҳои Россия ва Индонезия таалуқ надорад.

Вобаста ба ин дар бозори асъор қурби доллари австриялигӣ нисбат ба долллари ИМА 1 фоиз паст гардид.

Пешбинӣ намудани таҳримҳои нави ИМА нисбат ба иқтисодиёти Федератсияи Россия

Подробности статьи

Дар сомонаи Конгресси ИМА лоиҳаи Қонун дар бораи ҷорӣ намудани таҳримҳои иловагӣ нисбат ба иктисодиёти Россия ҷойгир карда шудааст. Лоиҳаи қонуни мазкур манъ намудани бастани қарордодҳоро бо қарзҳои нави Россия, ки аз ҷониби Вазорати молия, Бонки Россия, Фонди некӯаҳволии миллӣ, ҳар гуна институтҳои молиявӣ аз номи Россия ба муҳлати зиёда аз 14 рӯз дода мешавад, пешбинӣ менамояд.

Инчунин лоиҳаи қонуни мазкур ҷорӣ намудани маҳдудият ба сармоягузории лоиҳаҳои (СПГ) гази моеъ берун аз кишварро пешбинӣ менамояд.

Идомаи сулҳи тиҷоратӣ миёни ИМА ва Ҷумҳурии Халқии Хитой

Подробности статьи

«Вести.Экономика» иттилоъ медиҳад, ки Президенти ИМА ҷиҳати баланд набардоштани боҷҳои гумрукӣ барои воридоти молҳои Ҷумҳурии Халқии Хитой аз 1 марти соли ҷорӣқарор қабул кард.

Инчунин Президенти ИМА изҳор намуд, ки музокироте, ки дар рӯзҳои истироҳатӣ гузашт маҳсулнок буд. Ӯ дар бораи пешравии масъалаҳои муҳими сохторӣ, аз ҷумла ҳимояи ҳуқуқи моликияти зеҳнӣ, интиқоли технология ва кишоварзӣ сухан рондааст.

Мавсуф изҳор намуд, ки бо назардошти ноил гардидани ҷонибҳо ба пешравиҳо вохӯриро бо роҳбари Ҷумҳурии Халқии Хитой барои ба тасвиб расонидани созишнома пешбинӣ намудааст.