Навиди Вазорат



Шиносоӣ бо фаъолияти кишоварзони Кооперативи истеҳсолии «Сомонҷон»-и ноҳияи Данғара

.

Здесь новыешаблоны Joomla
креативные Joomla шаблоны.

Рўзи 24-уми май соли равон дар доираи сафари корӣ ба ноҳияи Данғараи вилояти Хатлон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолияти кишоварзони Кооперативи истеҳсолии «Сомонҷон» шинос шуданд.

Дар баробари дигар маҳсулоти кишоварзӣ дар хоҷагии мазкур дар масоҳати беш аз 10 гектар пиёз кишт карда шудааст, ки 6 гектараш пиёзи барвақтӣ буда, ҷамъоварии ҳосил оғоз ёфтааст.

Хоҷагидорон барои парвариш роҳу усулҳои муосир ва техникаи соҳавиро истифода кардаанд.

Фаровонии ҳосил хоҷагидоронро барои таъмини рушди минбаъдаи он ҳавасманд намудааст ва меҳнаткашон талош доранд ҳосили пухта расидаро сари вақту бе талаф ҷамъоварӣ намоянд. Иттилоъ дода шуд, ки ҳосили  ҳар як гектар 500 сентнериро ташкил медиҳад.

Дар идомаи сафар Пешвои миллат аз хоҷагии деҳқонии «Сангак Гулмурод» низ дидан намуданд.

Хоҷагии деҳқонии «Сангак Гулмурод» соли 2004 таъсис дода шуда, 32 гектарро ташкил медиҳад. Бо истифода аз имконияти фароҳамовардашуда хоҷагидорон дар масоҳати 15 гектар пахта, 14 гектар гандум, 1 гектар қулфинай, 1,5 гектар полезӣ ва дар 50 садяк замини дигар помидор кишт намудаанд.

Дар хоҷагии мазкур 30 нафар ба шуғли доимӣ таъмин мебошанд.

Хоҷагидорону кишоварзони ноҳияи Данғараи вилояти Хатлон барои самаранок истифода бурдани замин ва парвариши маҳсулоти кишоварзӣ таҷрибаи ғанӣ дошта, дар таъмини бозори истеъмолии сокинон ва содироти маҳсулоти аз ҷиҳати экологӣ тоза нақши муҳим доранд.

Дар ин шабу рўз сокинони меҳнатқарини ноҳияи Данғара талош доранд, ки бо меҳнату заҳматҳои пайваста ин соҳаи муҳими хоҷагии халқи мамлакатро рушд дода, дар яке аз ҳадафҳои стратегии Ҳукумати Ҷумҳурии Тоҷикистон- Таъмини амнияти озуқаворӣ саҳми худро гузоранд.

Зимни шиносоӣ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хоҷагидорон дастур доданд, ки бо истифода аз имконияти фароҳамовардашуда дар баробари дигар намуди сабзавот, дар оянда кишти сабзиро ба роҳ монда, дар таъмини бозори истеъмолӣ саҳми бештар гузоранд.

Здесь новые шаблоны для dle
обзоры автоновинок kaps4karing.com
село ремонтное