Ҷиҳати иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 12 декабри соли 2023 аз ҷониби Вазири рушди иқтисод ва савдо Завқизода Завқӣ Амин, Директори Бонки Олмонии Рушд барои минтақаи Аврупои Шарқӣ, Қафқоз ва Осиёи Марказӣ хонум Вероника Гарсия дел Арко, Роҳбари намояндагии минтақавии Бонки Олмонии Рушд дар Осиёи Марказӣ Андреас Шнайдер ва роҳбари ширкати Помир Энерҷӣ Шартномаи иловагӣ оид ба пешниҳоди грант ба маблағи 10 миллион евро барои сохтмони Неругоҳи барқи обии «Себзор» ба имзо расонида шуд.

Санаи 12 декабри соли 2023 ҷаласаи Ситоди ҷумҳуриявӣ оид ба иҷрои қарори Ҳукумати Ҷумҳурии Тоҷикистон аз 28 марти соли 2023 таҳти №125 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2023-2024» баргузор гардида, дар он омодагии соҳаҳои иқтисодиёт ва иҷтимоиёти шаҳри Душанбе ба давраи тирамоҳу зимистони солҳои 2023-2024 дар шаҳри Душанбе мавриди баррасӣ қарор дода шуд.

12 декабри соли 2023 дар доираи ҷаласаи Ҳафтаи АвруОсиёии Созмони Ҳамкориҳои Иқтисоди ва Рушд (СҲИР) дар шаҳри Парижи Фаронса вохӯрии ҳайати Ҷумҳурии Тоҷикистон бо Сардори шуъбаи АвруОсиёии СҲИР ҷаноби Уилиям Томпсон баргузор гардид, ки дар кори он Муовини Вазири рушди иқтисод ва савдои Ҷумҳурии Тоҷикистон Восидиён Фарҳод Саъдулло иштирок ва суханронӣ намуд.