Суханронии имсолаи Президенти Ҷумҳурии Тоҷикистонро, ки ҳамасола дар Рӯзи дониш ба аҳли илму маориф, устодону омӯзгорон ва донишҷӯёну хонандагон ироа мегардад, дар Вазорати рушди иқтисод ва савдо таҳти роҳбарии Муовини вазир Нуриддинзода Аҳлиддин Нуриддин сардорони воҳидҳои сохторӣ ва кормандони Дастгоҳи марказӣ ба таври дастаҷамъона тамошо намуданд.

30 августи соли 2024 бо мақсади иҷрои супориши Роҳбари Дастгоҳи иҷроияи Президенти Ҷумҳурии Тоҷикистон аз 14 марти соли 2024, №8251 (23-3) дар вазорат семинар – машварат оид ба моҳияти Кодекси андози Ҷумҳурии Тоҷикистон таҳти роҳбарии Муовини вазири рушди иқтисод ва савдо Восидиён Фарҳод Саъдулло бо иштироки Муовини Раиси Кумитаи андоз Маликзода Назрулло Саймиддин, кормандони вазорат ва намояндагони кумита баргузор гардид.

27 августи соли 2024 бо ташаббуси Вазорати рушди иқтисод ва савдо ва Агентии инноватсия ва технологияҳои рақамии назди Президенти Ҷумҳурии Тоҷикистон дар меҳмонхонаи «Hilton» чорабинӣ вобаста ба муаррифии «Барномаи савдои электронӣ дар Ҷумҳурии Тоҷикистон барои солҳои 2025-2029» баргузор гардид, ки дар кори он намояндагони вазорату идораҳо, бахши хусусӣ ва шарикони рушд иштирок намуданд.