19 июли соли 2017 дар қароргоҳи СММ дар ш. Ню-Йорк зимни ҷаласаи Форуми сиёсии сатҳи баланд (HLPF-2017) муаррифии Ҳисоботи ихтиёрии миллии Тоҷикистон оид ба татбиқи Рӯзномаи 2030 баргузор гардид. Ҳисоботи мазкур таҳти унвони “Баланд бардоштани некуаҳволӣ тариқи ҳамгироии ҳадафҳои рушди устувор ба сиёсати миллии рушди Тоҷикистон”, аз ҷониби роҳбари ҳайати кишвар дар HLPF – Вазири рушди иқтисод ва савдо Неъматулло Ҳикматуллозода ироа карда шуд.

18 июли соли 2017 дар Ню-Йорк мулоқоти Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо Вазири давлатӣ оид ба озуқаворӣ, ҷангал ва боғдории Ирландия Эндрю Дойл баргузор гардид.

18 июли соли 2017 Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода дар ҳошияи иштироки худ дар Форуми сиёсии сатҳи баланд (HLPF) дар Бизнес-форуми Ҳадафҳои рушди устувор ширкат намуд.