Феврал 2019

Рушди иқтисодиёти минтақаи евро

Подробности статьи

Иқтисодиёти минтақаи евро дар соли 2018 дар давоми чор соли охир дар сатҳи пасттарин рушд ёфт.

Тибқи маълумоти Агентии омори Аврупо «Eurostat» иқтисодиёти минтақаи евро дар соли 2018 нисбат ба соли 2017 (2,4 фоиз) 1,8 фоиз афзоиш ёфт.

Рушди иқтисодиёти минтақа дар соли 2017-ум 2,4 фоизро ташкил дода буд, ки ин дар давоми даҳ соли охир нишондиҳандаи баландтарин ба ҳисоб меравад.

Рушди иқтисодиёти минтақаи евро дар семоҳаи чоруми соли 2018 бо ҳисоби солона нисбат ба семоҳаи сеюм 0,3 фоиз афзоиш ёфта, 0,9 фоизро ташкил намуд.

Кам кардани истихроҷи нафт аз ҷониби кишварҳои аъзои ОПЕК

Подробности статьи

«Вести.Экономика» иттилоъ медиҳад, ки дар кишварҳои аъзои ОПЕК моҳи январ коҳишёбии истихроҷи нафт ба қайд гирифта шуд ва онҳо қариб 80 фоизи созишнома оид ба кам кардани истихроҷро иҷро намуданд.

Бузургтарин кишвари содиркунандаи нафт Арабистони Саудӣ 450 ҳазор баррел дар як шабонарӯз истихроҷи нафтро кам кард, ки аз ваъдаи додааш қариб 30 фоиз зиёдтар аст. Аморати Муттаҳидаи Араб ва Қувайт низ истихроҷи нафтро назаррас коҳиш доданд.

Кишварҳои аъзои ОПЕК +, ки Россия низ ба онҳо шомил аст ба мувофиқа расиданд, ки дар 6 моҳи аввали соли 2019 нисбат ба нишондиҳандаи моҳи октябр таҳвили нафтро ба бозори ҷаҳонӣ дар ҳаҷми 1,2 млн. баррел дар як шабонарӯз коҳиш медиҳанд.

Мулоқот бо вазири корҳои хориҷии Федератсияи Россия Сергей Лавров

Подробности статьи

5 феврали соли 2019 дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон вазири корҳои хориҷии Федератсияи Россия Сергей Лавровро, ки бо сафари расмӣ дар Тоҷикистон қарор дорад, ба ҳузур пазируфтанд.

Президенти Италия сину соли нафақаро дар кишвар паст кард

Подробности статьи

Агентии «ANSA» иттилоъ дод, ки Президенти Италия Қонуни кам кардани синну соли нафақа ва ворид намудани ҳадди ақали пасттарин барои камбизоатонро ба имзо расонид.

Тибқи талаботи қонуни мазкур бо мақсади пешгирӣ кардани қонуншиканӣ аз ҷониби муроҷиаткунандагон барои кумакпулӣ Ҳукумат масъулияти ҷиноятиро ҷиҳати пешниҳод кардани маълумоти нодуруст ҷорӣ намуд.

Инчунин ислоҳоти дуюм барои кам кардани синну соли нафақа аз 67 сол то 62 сол ба шарти собиқаи меҳнатӣ на кам аз 38 сол доштан, нигаронида шудааст.

Афзоиши қарзи давлатии Ҷумҳурии Украина дар соли 2018

Подробности статьи

Тибқи маълумоти Вазорати молияи Украина қарзи давлатӣ ва аз ҷониби давлат кафолатдодашуда дар соли 2018-ум 2,6 фоиз афзоиш ёфта, ба 1 декабри соли 2018 ба 78,3 млрд. доллари ИМА ё ба 2,2 трлн. гривна баробар гардид.

Дар соли 2018 қарзи давлатии кишвар дар ҳаҷми 26,9 млрд. гривна ё 2,0 млрд. доллар зиёд гардид.

Қарзи берунаи Украина дар охири моҳи декабри соли 2018-ум 1,4 трлн. гривна ё 50,5 млрд. доллар ва қарзи дохилӣ 771,4 млрд. гривна ё 27,9 млрд. долларро ташкил намуд.

Ҳукумати Олмон дурнамои рушди иқтисодиёти кишварро паст кард

Подробности статьи

Мутобиқи маълумоти нашрияи «Handelsblatt» Ҳукумати Олмон рушди иқтисодиёти кишварро дар соли 2019 нисбат ба дурнамои қаблӣ 0,8 банди фоизӣ паст карда, 1,0 фоиз пешбинӣ намуд.

Паст кардани суръати рушди дурнамо аз сустшавии суръати рушди иқтисоди ҷаҳон, инчунин шароити номуайянии баромадани Британияи Кабир (Brexit) аз Иттиҳоди Аврупо вобаста мебошад. Рушди иқтисодиёти кишвар дар соли 2020-ум 1,6 фоиз пешгӯӣ мешавад.

Дар соли 2018 бо назардошти пастравии рушди талабот ва савдои ҷаҳонӣ рушди иқтисодиёти Олмон 1,5 фоизро ташкил намуд, ки ин нишондиҳандаи пасттарин дар панҷ соли охир мебошад.

Ташкили биржаи электронии меҳнат дар Иттиҳоди Иқтисодии Авруосиё

Подробности статьи

«Вести.Экономика» иттилоъ медиҳад, ки шаҳрвандони Арманистон, Белорус, Қазоқистон, Қирғизистон ва Россия барои ҷустуҷӯйи кор имконияти нав пайдо мекунанд. Роҳбарони ҳукуматҳои ин кишварҳо ташкили биржаи электронии меҳнатро мувофиқи мақсад шумориданд.

 Биржаи электронии меҳнат ба корфармоён ва шахсони корҷӯй имконият медиҳад, ки дар ин биржа ҷойҳои кории холиро ҷойгир намоянд ва бо коргаронро шартномаҳои меҳнатӣ банданд.

Ташкили биржаи мазкур аз ҷониби Вазорати меҳнат ва ҳифзи иҷтимоии аҳолии Қазоқистон пешниҳод карда шуда, он ба рушди бозори ягонаи захираҳои меҳнатӣ дар Иттиҳод мусоидат менамояд.

Зиёдшавии истихроҷи нафти ИМА то соли 2030

Подробности статьи

Тибқи ҳисоботи солонаи Вазорати энергетикаи ИМА зиёд гардидани истихроҷи нафт дар ИМА то соли 2030 пешбинӣ гардида, сипас истихроҷи он то соли 2040 дар ҳаҷми беш аз 14 млн. баррел дар як шабонарӯз боқӣ мемонад.

Коркарди минбаъдаи захираҳои нафт ва гази слансавӣ, бахусус дар минтақаҳои шарқӣ ва ҷанубӣ- ғарбӣ рушди истихроҷи конденсати газро то соли 2030-юм 6 млн. баррел зиёд менамояд. Инчунин мувофиқи дурнамо истихроҷи гази табиӣ то соли 2050 ба 43,4 трлн. куб мерасад.

Вазорати энергетикаи ИМА истихроҷи нафтро дар соли 2019 бетағйир дар сатҳи 12,1 млн. баррел дар як шабонарӯз пешбинӣ намудааст.

Вохӯрии Неъматулло Ҳикматуллозода бо Сафири Фавқулодда ва Мухтори Ҷумҳурии Қириғизистон

Подробности статьи

Имрӯз дар Вазорати рушди иқтисод ва савдои Ҷумҳурии Тоҷикистон мулоқоти Вазир, Неъматулло Ҳикматуллозода бо Сафири Фавқулодда ва Мухтори Ҷумҳурии Қириғизистон дар Ҷумҳурии Тоҷикистон ҷаноби Ҷаниш Рустамбеков баргузор гардид.