Ҷорӣ намудани боҷҳои гумрукии нави Ҷумҳурии Халқии Хитой дар ҷавоб ба афзоиши боҷҳо аз ҷониби ИМА

Тибқи маълумоти Вазорати молияи Ҷумҳурии Халқии Хитой Ҳукумати кишвар аз 1 июни соли ҷорӣ баланд бардоштани боҷҳои гумрукиро ба молҳои воридотии ИМА ба маблағи 60 млрд. доллар татбиқ менамояд.

Ҷорӣ намудани боҷҳои гумрукӣ ба 2493 номгӯи молҳои ИМА ба меъёри 25,0 фоиз, ба 1078 номгӯи мол 20,0 фоиз ва ба 974 категорияҳо 10,0 фоиз пешбинӣ гардидааст ва ба боқимонда 595 номгӯи мол боҷҳои гумрукӣ дар сатҳи 5,0 фоиз бетағйир мемонад.

Давраи навбатии музокироти ИМА ва Хитой оид ба савдо дар Вашингтон бе натиҷа анҷом ёфт.

Инчунин, Президенти ИМА оғоз намудани корҳоро барои зиёд намудани боҷҳо ба молҳои боқимондаи аз Хитой воридшаванда, ки арзиши он 300 млрд. долларро ташкил медиҳад, дастур дод.