Баррасии ҳамкориҳо бо Австралия
29-уми апрели соли ҷорӣ дар Вазорати рушди иқтисод ва савдои Ҷумҳурии Тоҷикистон вохӯрии Муовини Вазир, Умед Давлатзод бо Сафири фавқулодда ва мухтори Австралия дар Федератсияи Россия, ҷаноби Пол Майлер сурат гирифт.
Сафири фавқулодда ва мухтори Австралия дар Федератсияи Россия, ҷаноби Пол Майлер аз шароити мусоиди сармоягузорӣ дар Тоҷикистон изҳори хушнудӣ намуда, таъкид дошт, ки мо омода ҳастем дар вусъат бахшидани лоиҳаҳои сармоягузорӣ аз ҷониби ширкатҳои бузурги Австралия дар соҳаҳои гуногун, аз ҷумла, рушди соҳаи саноати истихроҷи маъдан, коркард ва содироти маҳсулоти кишоварзӣ, рушди бахши хусусӣ ва ғайра кӯшиш ба харҷ диҳем.
Ҳамчунин, ҷониби Австралия изҳор намуд, ки муносибатҳои мутақобилан судманд дар бахшҳои инфрасохтор ва энергетика низ таҳким ёбад.
Дар раванди мулоқот ҷонибҳо атрофи дигар масъалаҳои мавриди назар мубодилаи афкор намуданд.
