Вохӯрии муовини Вазир бо сафири Эстония

Ба роҳ мондани асосҳои ҳуқуқию шартномавӣ ва ривоҷ додани ҳамкориҳои иқтисодию тиҷоратии Ҷумҳурии Тоҷикистон бо Ҷумҳурии Эстония дар мулоқоти имрӯзаи муовини Вазири рушди иқтисод ва савдо Умед Давлатзод бо Сафири навтаъйини фавқулода ва мухтори ин кишвар ҷаноби Яан Рейнхолд мавриди баррасӣ қарор гирифт.

Дар ҷараёни мулоқот, ки дар шароти ҳамдигарфаҳмӣ сурат гирифт, ҷонибҳо дар атрофии рушди муносибатҳои иқтисодию тиҷоратии Тоҷикистону Эстония, ҷалби сармоягузорӣ, имконият ва иқтидори содиротӣ, рушди сайёҳӣ ва ташкили инфрасохтори замонавӣ, ҳамкориҳо дар соҳаҳои технологияи нав, муҳоҷирати меҳнатӣ, барқарор намудани хатсайри ҳавопаймоҳо, маориф ва ташкили курсҳои бозомӯзӣ мубодилаи афкор намуданд.

Дар анҷом, ҷонибҳо ҳавасмандии давлатҳои худро ҷиҳати боз ҳам ривоҷ додани ҳамкориҳо дар соҳаҳои мухталиф ва махсусан иқтисоду тиҷорат баён доштанд.