Кормандони Вазорат бахшида ба ҷашни Истиқлол мукофотонида шуданд
3-юми сентябри соли 2015 дар Вазорати рушди иқтисод ва савдо бахшида ба 24-умин согарди Истиқлолияти кишвар маросими ба як қатор кормандон супоридани мукофотҳои давлатӣ баргузор гардид, ки дар он ёрдамчии Президенти Ҷумҳурии Тоҷикистон оид ба масъалаҳои иқтисодӣ Фаррух Ҳамрализода, роҳбарияти Вазорат ва кормандони Дастгоҳи марказӣ ширкат варзиданд.
Ҷаласаро Муовини Вазири рушди иқтисод ва савдо Умед Давлатзод бо сухани муқаддимавӣ ифтитоҳ карда, сипас ёрдамчии Президенти Ҷумҳурии Тоҷикистон оид ба масъалаҳои иқтисодӣ Фаррух Ҳамрализода фармони Президенти Ҷумҳурии Тоҷикистонро ҷиҳати мукофотонидани кормандони Вазорат қироат намуд.
Тибқи фармони мазкур сардори Сарраёсати таҳлили макроиқтисодӣ, дурнамо ва ислоҳоти иқтисодӣ Ф.Қаҳҳоров, сардори Раёсати танзим ва рушди савдои хориҷӣ Б.Муродов, сардори Раёсати ҳамкориҳои иқтисодии хориҷӣ Ф.Солиев ва сардори Раёсати рушди соҳаҳои иҷтимоӣ Т.Маликов бо медалҳои «Хизмати шоиста» ва сармутахассиси Сарраёсати рушди соҳаҳои воқеии иқтисодиёт С.Сафаров бо «Ифтихорнома» мукофотонида шуданд.
