Мулоқоти Неъматулло Ҳикматуллозода бо Фан Сянжун
12 ноябри соли 2015 дар Вазорати рушди иқтисод ва савдо мулоқоти Вазир, Неъматулло Ҳикматуллозода бо Сафири фавқулодда ва мухтори Ҷумҳурии Мардумии Чин дар Ҷумҳурии Тоҷикистон ҷаноби Фан Сянжун сурат гирифт.
Ҳангоми мулоқот, ки бо ҳусни тафоҳум сурат гирифт, ҷонибҳо дар атрофи масъалаҳои густариши ҳамкориҳои иқтисодию тиҷоратӣ, махсусан дар соҳаҳои ҷалби сармоягузорӣ, коркарди маҳсулоти кишоварзӣ, омодагӣ ба ҷаласаи навбатии Комиссияи байниҳукуматии Чину Тоҷикистон оид ба ҳамкориҳои тиҷоратию иқтисодӣ ва ғайра мубодилаи афкори судманд намуданд.
Дар интиҳои вохӯрӣ тарафҳо азми қавии худро ҷиҳати густариши минбаъдаи ҳамкориҳо дар самтҳои гуногун баён доштанд.
