Ҷаласаи 5-уми Кумитаи ҳамкории Иттиҳоди Аврупо ва Тоҷикистон

Имрӯз дар Вазорати рушди иқтисод ва савдои Ҷумҳурии Тоҷикистон ҷаласаи 5-уми Кумитаи ҳамкории Иттиҳоди Аврупо ва Тоҷикистон бо иштироки васеи намояндагони ҳарду ҷониб ба кори худ оғоз бахшид.

Ҷаласаи мазкурро бо суханони муқаддимавӣ ҳамраисон Муовини якуми Вазири рушди иқтисод ва савдои Ҷумҳурии Тоҷикистон Саидраҳмон Назризода ва Люк Девин роҳбари Раёсат оид ба масъалаҳои Россия, шарикони шарқӣ, ҳамкориҳои минтақавӣ бо кишварҳои Осиёи Марказӣ ва давлатҳои аъзои САҲА ифтитоҳ намуданд.

Қобили тазаккур аст, ки дар ҷаласаи 5-уми Кумитаи ҳамкории Иттиҳоди Аврупо ва Тоҷикистон ҳамкориҳои иқтисодию тиҷоратӣ, энергетика, сармоягузорӣ, нақлиёт, саноат ва ғайра аз масъалаҳои асосии баррасишаванда ба ҳисоб меравад.

Дар интиҳои ҷаласаи 5-уми Кумитаи ҳамкории Иттиҳоди Аврупо ва Тоҷикистон дар назар аст, ки Протоколи дахлдор ба имзо расад.