Вохӯрии Умед Давлатзод бо Иброҳим Эргашев
Дар доираи баргузории нахустин намоишгоҳи миллии молҳои Ӯзбекистон дар Душанбе 19 апрели соли равон дар Вазорати рушди иқтисод ва савдо вохӯрии Муовини Вазир Умед Давлатзод бо Раиси Раёсати «Узэкспоцентр» Иброҳим Эргашев сурат гирифт.
Зимни мулоқот, ки дар шароити ҳамдигарфаҳмӣ сурат гирифт, ҷонибҳо атрофи масъалаҳои вобаста ба рушди ҳамкорӣ дар соҳаҳои иқтисоду тиҷорат ва ғайра мубодилаи афкори судманд намуданд.
Дар анҷоми вохӯрӣ тарафҳо азми қавии худро ҷиҳати густариши минбаъдаи ҳамкориҳо байни Вазорати рушди иқтисод ва савдо ва Раёсати «Узэкспоцентр» дар самтҳои болозикр баён доштанд.
