МУЛОҚОТ БО САФИРОНИ НАВТАЪИН

21 ноябри соли ҷорӣ дар Вазорати рушди иқтисод ва савдо вохӯриҳои Вазир Неъматулло Ҳикматуллозода бо сафирони як қатор давлатҳои хориҷӣ, аз ҷумла Ҷумҳурии Аргентина Иван Иванишевич, Африқои Ҷанубӣ хонум Кейтуметси Тандека Метюс ва Давлати Исроил Эдуард Шапиро баргузор гардиданд.

Дар ҷараёни мулоқотҳоН. Ҳикматуллозода онҳоро ба муносибати таъйин гардиданашон ба ин вазифаи масъулиятнок самимона таҳният намуда, изҳори боварӣ карданд, ки сафирон бо фаъолияти пурсамарашон ҷиҳати рушди муносибатҳои байни кишварашон бо Ҷумҳурии Тоҷикистон дар соҳаҳои мухталиф ба хусус иқтисоду тиҷорат ҳамаҷониба мусоидат хоҳанд намуд.

Дар анҷоми вохӯрӣ бо сафирон, тарафҳо азми қавии худро ҷиҳати ба роҳ мондан ва густариш додани ҳамкориҳо дар самтҳои гуногун баён доштанд.