Мулоқоти Ҷуразода Тоҷиддин бо Сафири Ҷумҳурии Шри-Ланка

Имрӯз Муовини Вазири рушди иқтисод ва савдои Ҷумҳурии Тоҷикистон Тоҷиддин Ҷуразода, Сафири навтаъйини Фавқулодда ва Мухтори Ҷумҳурии Шӯравии Сотсиалистии Шри-Ланка дар Ҷумҳурии Тоҷикистон ҷаноби Нурдин Муҳаммад Шаҳид ба ҳузур пазируфта, бо таъйин шуданаш ба ин мансаб табрику муборакбод намуд. Ҳамзамон изҳори боварӣ карда шуд, ки робитаҳои иқтисодию тиҷоратии байни ду кишвар бозҳам густариш меёбад.

Инчунин, дар вақти вохӯрӣ ҷонибҳо доир ба вазъи ҳамкориҳои иқтисодӣ, рушди соҳаҳои саноат ва сайёҳӣ, кишоварзӣ ва ғайра мубодилаи афкор намуданд.

Дар интиҳо тарафҳо омодагии худро ҷиҳати густариши ҳамкориҳои минбаъда баён намуданд.