Бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар маҷлиси Ҳукумати Ҷумҳурии Тоҷикистон 31 майи соли 2024 баён доштанд, инчунин дар асоси супориши Роҳбари Дастгоҳи иҷроияи Президенти Ҷумҳурии Тоҷикистон аз 1-уми июни соли 2024, №24/10-42 рӯзҳои 3-9-уми июн бо роҳбарии муовини Вазири рушди иқтисод ва савдо - Насриддинзода Рухшона Ҳикматулло ҳайати корӣ ба ноҳияи Панҷи вилояти Хатлон сафари корӣ анҷом дод.

6 июни соли 2024 дар Академияи идоракунии давлатии назди Президенти Ҷумҳурии Тоҷикистон Маҷлиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ баргузор гардид, ки дар он Восидиён Фарҳод Саъдулло - муовини Вазири рушди иқтисод ва савдо, Розиқ Нурзод – мудири бахши омор ва маҳзани ягонаи электронии Дастгоҳи Кумитаи Иҷроияи Марказии Ҳизби Халқии Демократии Тоҷикистон, Муродов Ҷурабек – муовини раиси Кумитаи иҷроияи ҲХДТ дар шаҳри Душанбе, Қурбонзода Убайдулло - раиси Кумитаи иҷроияи ҲХДТ дар ноҳияи Исмоили Сомонӣ, аъзоёни кумита, раисони кумитаву ташкилотҳои ибтидоии ҳизбии ноҳия ва намояндагони Васоити ахбори омма иштирок намуданд.

5 июни соли 2024 дар ҳошияи 27-умин Форуми иқтисодии байналмилалии шаҳри Санкт-Петербурги Федератсияи Россия вохӯрии муовини якуми Вазири рушди иқтисод ва савдои Ҷумҳурии Тоҷикистон Солеҳзода Ашурбой Абдувоҳид бо муовини Вазири рушди иқтисоди Федератсияи Россия Волвач Дмитрий Валеревич баргузор гардид, ки дар доираи он масъалаҳои тақвияти ҳамкориҳои дуҷониба бо Федератсияи Россия, таъсиси корхонаҳои муштараки саноатӣ ва татбиқи лоиҳаҳои сармоягузорӣ мавриди баррасӣ қарор дода шуданд.