13 апрели соли 2022 вохӯрии Вазири рушди иқтисод ва савдо, мудири кишварии Бонки Исломии Рушд дар Ҷумҳурии Тоҷикистон Завқизода Завқӣ Амин бо Президенти Гурӯҳи Бонки Исломии Рушд (БИР) Муҳаммад Сулайман Ал-Ҷассер дар шакли видеоконфронс баргузор гардид.

13 апрели соли 2022 дар доираи талаботи фармоиши Ҳукумати Ҷумҳурии Тоҷикистон аз 30 сентябри соли 2021, №73-ф ва нақшаи баргузории рӯнамоҳо, ки бо фармоиши Вазорати рушди иқтисод ва савдо аз 26 октябри соли 2021, №77 ба тасвиб расидааст, дар вазорат бо иштироки намояндагони мақомоти иҷроияи ҳокимияти давлатии ВМКБ, вилояти Суғд, шаҳри Душанбе, ноҳияҳои Рӯдакӣ ва Сангвор муаррифии дурнамои нишондиҳандаҳои рушди иҷтимоию иқтисодии вилоятҳо ва шаҳру ноҳияҳои мазкур дар соли 2023 ва параметрҳои асосии он барои солҳои 2024-2025 баргузор гардид.

Бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти идомаи корҳои ободонию бунёдкорӣ бахшида ба ҷашни 35-солагии Истиқлоли давлатии Ҷумҳурии Тоҷикистон, шиносоӣ бо шароити зиндагии мардум ва вазъи инкишофи соҳаҳои иҷтимоию иқтисодии ноҳияи Панҷ аз 2 то 11 апрели соли 2022 сафари кории Вазири рушди иқтисод ва савдо Завқизода З. А. ба ноҳияи қайдшуда анҷом дода шуд.