Бонки марказии Хитой меъёри захиравиро барои бонкҳои хурд ва миёна кам менамояд

Бонки марказии Хитой пешбинӣ намудааст, ки меъёри захираҳои ҳатмиро барои бонкҳои хурд ва миёна бо мақсади озод намудани пардохтпазирӣ ба андозаи 280 млрд. юан (41 млрд. доллари ИМА) кам намояд.

 

Агентии «Reuters» иттилоъ медиҳад, ки ин маблағгузориҳо барои қарздиҳии муассисаҳои хурд ва миёна истифода бурда мешаванд.

Бонки Халқии Хитой аз 15 май меъёри захираҳои ҳатмиро тақрибан барои як ҳазор бонкҳои тиҷоратии минтақавӣ то 8,0 фоиз коҳиш медиҳад. Ҳоло ин меъёр барои муассисаҳои хурд ва миёна аз 10,0 фоиз то 11,5 фоизро ташкил медиҳад.