Пешниҳоди қарз барои соҳибкорони хурди Хитой
Мувофиқи маълумоти SCMP, Бонки халқии Хитой аз давраи авҷи пандемия ба бонкҳои хурд бо тариқи қарзҳои дастрас барои нигоҳдории фаъолияти корхонаҳои хурд маблағҳои бузург ҷудо намудааст.
Тибқи тадқиқот даромади соҳибкории хурду миёна дар моҳи март дар муқоиса ба ҳамин давраи соли гузашта тақрибан 59 фоиз паст шудааст.
Таҳқиқот нишон медиҳад, ки барқарорсозии корхонаҳои хурду миёна, ки тақрибан 80 фоизи хитоиҳо дар онҳо кор мекунанд, баъди як моҳи маҳдудият аз корхонаҳои азим назаррас қафо мондааст.
Бо мақсади ҳавасмандгардонии қарзгирии соҳибкорони хурд ва хоҷагиҳои деҳқонӣ Бонки халқии Хитой меъёрҳои захираҳои ҳатмӣ барои бонкҳоро кам карда, меъёри фоизи қарзҳои миёнамуҳлати то як солро то 2,95 фоиз паст намуд, ки ин сатҳи пасттарин аз моҳи сентябри соли 2014 то ин давра мебошад.
