Барқароршавии иқтисодиёти Иттиҳоди Аврупо пас аз бӯҳрон 750 млрд. евро арзёбӣ гардид
Роҳбари Шӯрои Иттиҳоди Аврупо дар нишасти матбуотӣ дар Брюссел нақшаи буҷети Иттиҳоди Аврупоро (ИА) дар ҳафт соли оянда ифшо намуд.
Нақшаи барқароршавӣ 500 млрд. евро грант ва 250 млрд. евро қарзҳоро дарбар мегирад. Ҳаҷми буҷети ИА дар давраи солҳои 2021-2027-ум 1,074 трлн. евро пешбинӣ гардидааст.
ИА барои дастгирии низоми тандурустӣ ва соҳибкороне, ки бо назардошти пандемия зарар дидаанд, инчунин ба лоиҳаҳои сармоягузорӣ барои рушди ИА ба Италия дар шакли грант 81,8 млрд. евро, Испания 77,3 млрд. евро, Фаронса 39 млрд. евро ва Юнон 22,5 млрд. евро маблағ пешбинӣ намудааст, вале як қисми кишварҳои Иттиҳод барои дар шакли грант ҷудо намудани маблағ зид баромаданд.
