Ҳукумати Олмон дурнамои рушди иқтисодиёти кишварро паст кард

 

 

 

Мутобиқи маълумоти нашрияи «Handelsblatt» Ҳукумати Олмон рушди иқтисодиёти кишварро дар соли 2019 нисбат ба дурнамои қаблӣ 0,8 банди фоизӣ паст карда, 1,0 фоиз пешбинӣ намуд.

Паст кардани суръати рушди дурнамо аз сустшавии суръати рушди иқтисоди ҷаҳон, инчунин шароити номуайянии баромадани Британияи Кабир (Brexit) аз Иттиҳоди Аврупо вобаста мебошад. Рушди иқтисодиёти кишвар дар соли 2020-ум 1,6 фоиз пешгӯӣ мешавад.

Дар соли 2018 бо назардошти пастравии рушди талабот ва савдои ҷаҳонӣ рушди иқтисодиёти Олмон 1,5 фоизро ташкил намуд, ки ин нишондиҳандаи пасттарин дар панҷ соли охир мебошад.