Афзоиши талабот ба газ дар Ҷумҳурии Халқии Хитой

Муовини роҳбари ширкати азими CNOOC-и Ҷумҳурии Халқии Хитой оид ба истихроҷи нафт ва газ изҳор намуд, ки талаботи Хитой барои газ мунтазам афзоиш меёбад.

 

Аз рӯи маълумоти Агентии «Интерфакс» муовини роҳбари ширкати CNOOC қайд намуд, ки талаботи Хитой ба газ дар соли 2019 ҳаҷми 310 млрд. метри мукааб, дар соли 2020-ум 360 млрд., дар соли 2025-ум 480 млрд. ва дар соли 2030-юм то 540 млрд. метри мукаабро ташкил хоҳад дод.

Ҷумҳурии Халқии Хитой пешбинӣ менамояд, ки дар соли ҷорӣ ба воситаи қубурҳои газгузар 57 млрд. метри мукааб, дар соли 2020-ум 63 млрд., дар соли 2025-ум 121,8 млрд. ва дар соли 2030-юм 126 млрд. метри мукааб газ ворид намояд.