Вохурии Вазири рушди иқтисод ва савдо Завқизода Завқӣ Амин бо роҳбари навтаъини Агентии Япония оид ба ҳамкориҳои байналмилалӣ ҷаноби Такасава Мунео

24 ноябри соли 2020 Вазири рушди иқтисод ва савдо Завқизода Завқӣ Амин Роҳбари навтаъини Агентии Яаония оид ба ҳамкориҳои байналмилалӣ ҷаноби Такасава Мунео ба ҳузур пазируфтанд.

 

        Дар рафти мулоқот Вазири рушди иқтисод ва савдо оид ба як қатор лоиҳаҳои дуҷониба суханронӣ намуда, самтҳои нави ҳамкорӣ, аз ҷумла тавсеаи ҳамкориҳои иҷтимоию иқтисодӣ, таъсис додани Маркази ҳамоҳангсозӣ барои татбиқи иқтисоди ракамӣ, инфрасохтор, рушди деҳот, лоиҳаи обёрӣ барои шаҳри Кӯлоб аз дарёи Панҷ бо мақсади татбиқи рушди устувор дар Тоҷикистон қайд карданд.

        Ҷонибҳо аҳамияти кушодани давраи оғози пешбарӣ ва пешниҳоди дархостҳоро барои барномаи стипендияи "Роҳбарияти Глобалӣ дар ноил шудан ба ҳадафҳои рушди устувор (SDGs)" (SDGs Global Leader Program) қайд карданд ва кори Шӯрои ҳамоҳангсози рушди миллиро тасдиқ карданд.

Ҷониби Япония омодагии худро барои ҳамкорӣ ва расонидани кӯмаки саривақтӣ нисбати пешниҳодҳои Тоҷикистон изҳор намуд.