Вохӯрӣ бо Ҳамиди Читчиён
1-уми сентябри соли 2014 дар Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо Шариф Раҳимзода бо Вазири нерӯи Ҷумҳурии Исломии Эрон оғои Ҳамиди Читчиён сурат гирифт.
Дар оғоз Ш.Рахимзода барои дастгирӣ ва ҳамкориҳои судманд дар соҳаҳои мухталифи хоҷагии халқи мамлакат изҳори миннатдорӣ намуд.
Дар ҷараёни вохӯрӣ ҷонибҳо рушди ҳамкориҳои байни ду кишварро дар соҳаҳои энергетика ва инфрасохтори нақлиёт, аз ҷумла татбиқи лоиҳаҳои НБО «Сангтӯда-2», нақби «Истиқлол» ва ғайра мавриди баррасӣ қарор доданд.
Дар раванди мулоқот ҷонибҳо атрофи дигар масъалаҳои мавриди назар мубодилаи афкор намуданд.
