Иштироки муовини Вазири рушди иқтисод ва савдо дар чорабинии сатҳи баланди Ташкилоти ҷаҳонии тандурустӣ ва маблағгузории Иттиҳоди Аврупо доир ба ислоҳоти соҳаи тандурустӣ
28 ноябри соли 2022 дар шаҳри Анқараи Ҷумҳурии Туркия чорабинии сатҳи баланд ҷиҳати тақвияти ҳамкорӣ байни Ҷумҳурии Тоҷикистон ва Ҷумҳурии Туркия доир ба амалисозии ислоҳоти соҳаи тандурустӣ тавассути маблағгузорӣ оғоз гардид, ки дар он муовини Вазири рушди иқтисод ва савдои Ҷумҳурии Тоҷикистон Насриддинзода Рухшона Ҳикматулло дар Ҳайати Ҷумҳурии Тоҷикистон иштирок ва суханронӣ намуд.
Насриддинзода Р. Ҳ. қайд намуд, ки бо шарофати сиёсати хирадмандонаи раҳбарони ду кишвар Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Реҷеп Тайип Эрдоган муносибатҳои ду кишвар ба сатҳи сифатан нав баромадаанд.
Дар рафти чорабинӣ оид ба масъалаҳои иҷтимоиву иқтисодӣ, аз ҷумла пиромуни таҷрибаи пешқадами ҷониби Туркия дар соҳаи тандурустӣ муаррифӣ карда шуд.
Инчунин дар рафти чорабинӣ мулоқоту вохуриҳои дуҷонибаи Ҳайати Тоҷикистон бо роҳбарияти вазорату идораҳои Ҷумҳурии Туркия дар назар аст.
