Мулоқот бо намояндагони KOICA

15 июни соли ҷорӣ дар Вазорати рушди иқтисод ва савдо мулоқоти муовини Вазир, Умед Давлатзод бо ҳайати бонуфузи Агентии Корея оид ба ҳамкориҳои байналмилалӣ (KOICA), ки таҳти роҳбарии директори Департаменти Осиёи Агентии мазкур, ҷаноби Ли Донг Ку ба вазорати рушди иқтисод ва савдои ҶТ ташриф овардаанд, баргузор гардид. 

Иқтисод ва тиҷорат, сармоягузорӣ, энергетика, тандурустӣ, омӯзиши таҷриба ва омода намудани мутахассисони касбӣ дар соҳаҳои мухталиф аз мавзуъҳои калидии гуфтугузорӣ ҳайатҳо маҳсуб гардид.

Дар интиҳои мулоқот атрофи масъалаҳои ҷорӣ ва дурнамои рушди ҳамкориҳои мутақобилан судманд мубодилаи афкор сурат гирифт.