Баррасии натиҷаҳои фаъолият дар ҷаласаи Ҳайати мушовара
16-уми июли соли равон дар Вазорати рушди иқтисод ва савдо ҷаласаи Ҳайати мушовара оид ба ҷамъбасти натиҷаҳои рушди иҷтимоию иқтисодии Ҷумҳурии Тоҷикистон ва фаъолияти Вазорати рушди иқтисод ва савдо дар нимсолаи якуми соли 2015 баргузор гардид.
Дар ҷаласа Вазири рушди иқтисод ва савдо, муовинони Вазир, роҳбарони воҳидҳои сохторӣ ва кормандони Дастгоҳи марказӣ, инчунин сарварони муассисаҳои тобеи Вазорат ширкат варзиданд.
Ҷаласаи Ҳайати мушовараро бо сухани муқаддимавӣ Вазири рушди иқтисод ва савдо Неъматулло Ҳикматуллозода оғоз намуда, сипас, оид ба ҷамъбасти натиҷаҳои рушди иҷтимоию иқтисодии Ҷумҳурии Тоҷикистон ва фаъолияти Вазорати рушди иқтисод ва савдо дар нимсолаи якуми соли 2015 муовини якуми Вазир, Саидраҳмон Назриев маърӯза намуд.
Оид ба фаъолияти анҷомдодаашон дар нимсолаи якуми соли ҷорӣ, нақшаҳо ва мушкилоти ҷойдошта роҳбарони воҳидҳои сохтории Дастгоҳи марказӣ ва сарварони муассисаҳои тобеи Вазорат дар назди ҳозирин ҳисобот доданд.
Дар охир ҷаласаи Ҳайати мушовара оид ба масъалаҳои баррасишуда қарорҳои дахлдор қабул намуд.
