Семинар дар Вазорат
21-уми июли соли равон дар Вазорати рушди иқтисод ва савдо аз ҷониби Раёсати таъминоти ҳуқуқии Вазорат семинар дар мавзӯи «Мубориза бар зидди коррупсия» бо мақсади иҷрои банди 25 «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020», ки бо Фармони Президенти Ҷумҳурии Тоҷикистон аз 30 августи соли 2013, №1504 тасдиқ гардидааст, доир гардид.
Дар семинар мафҳуми коррупсия, масъалаҳои пешгирӣ ва бартараф намудани сабабҳо ва шароите, ки ба миён омадани ҳолати коррупсионӣ мусоидат мекунанд, ошкоркунӣ ва мубориза ба қоидавайронкунӣ ва ҷиноятҳои коррупсионӣ, бартараф намудани оқибатҳои манфии он, ва ғайра мавриди баррасӣ қарор гирифтанд.
Дар интиҳои чорабинӣ роҷеъ ба мавзӯи семинар байни кормандони Дастгоҳи марказии Вазорат ва мутахассисони Раёсати таъминоти ҳуқуқии Вазорат саволу ҷавоб ва мубодилаи афкори судманд доир гардид.
