Вохӯрии Муовини Вазири рушди иқтисод ва савдо бо Раиси шаҳри Нарваи Ҷумҳурии Эстония

29 апрели соли 2024 вохӯрии Муовини Вазири рушди иқтисод ва савдо Нуриддинзода Аҳлиддин Нуриддин бо Раиси шаҳри Нарваи Ҷумҳурии Эстония Яан Тоотс баргузор гардид.

Ҳангоми мулоқот ҷонибҳо имкониятҳои густариши ҳамкориҳоро дар самтҳои савдо, иқтисод ва сармоягузорӣ, таъсиси корхонаҳои муштарак хусусан дар Минтақоҳои озоди иқтисодии кишвар муҳокима карда, ба масъалаи содироти меваю сабзавоти аз лиҳози экологӣ тозаи Ҷумҳурии Тоҷикистон ба Ҷумҳурии Эстония таваҷҷуҳи хоса зоҳир намуданд.

Дар анҷоми мулоқот ҷонибҳо омодагии худро ҷиҳати боз ҳам тақвият додани ҳамкориҳои мутақобилан судманд ва татбиқи масъалаҳои қайдгардида иброз карданд.