Баргузории хониши идоравӣ оид ба масъалаҳои дин ва танзими ҷашну маросим дар Вазорати рушди иқтисод ва савдо
24 феврали соли 2025 дар Вазорати рушди иқтисод ва савдо бо ташаббуси Комиссияи ҷамъиятӣ оид ба танзими ҷашну маросими вазорат бо иштироки роҳбарияти вазорат, намояндагони Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон ва кормандони дастгоҳи марказии вазорат хониши идоравӣ ҷиҳати татбиқи сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба масъалаҳои дин ва танзими ҷашну маросим дар кишвар баргузор гардид.
Ҷамъомадро Муовини вазир Восидиён Фарҳод Саъдулло бо сухани ифтитоҳӣ оғоз карда, таъкид намуд, ки барои иҷрои Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», Фармони Президенти Ҷумҳурии Тоҷикистон аз 4 апрели соли 2018, №1042 «Дар бораи Консепсияи сиёсати давлатии Ҷумҳурии Тоҷикистон дар соҳаи дин» ва нуқтаҳои асосии суханронии Президенти кишвар Асосгузори сулҳу ваҳдати миллӣ Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дин аз 9 марти соли 2024 изҳор доштанд ҳар як корманди вазарат масъул мебошад.
Восидиён Ф. С. қайд намуд, ки дар ҷаҳони муосир равандҳое ба мисли бархӯрди фарҳангу тамаддунҳо, тафриқаву низоъҳои диниву мазҳабӣ, густариши бесобиқаи терроризму экстримизми динӣ идома доранд, ки василаи истифодаи қувваҳои гуногуни манфиатхоҳ гардидаанд, инчунин таъсири онҳо ба ҷомеа ва давлат ҷиддӣ хоҳад буд агар пеши роҳи онҳоро нагирифт.
Сипас намояндагони Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Қаландаров Бурҳониддин ва Муслиҳиддин Хоҷамиров вобаста ба Консепсияи сиёсати давлатии Ҷумҳурии Тоҷикистон дар соҳаи дин ва Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» суҳбат ва корҳои фаҳмондадиҳӣ гузарониданд.
Дар ҷамъбасти чорабинӣ аз ҷониби роҳбарият ба кормандони Дастгоҳи марказӣ ҷиҳати дар амал татбиқ намудани талаботҳои санадҳои меъёрии ҳуқуқии дар боло қайдшуда супоришҳои мушаххас дода шуданд.
