Баррасии ҳамкориҳо бо СҲИР

21 сентябри соли ҷорӣ вохӯрии Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо роҳбари Департаменти Созмони ҳамкории иқтисодӣ ва рушд (СҲИР) оид ба кор бо давлатҳои Авруосиё ҷаноби Уилям Томпсон баргузор гардид. 

Дар ҷараёни мулоқот,ҷонибҳо самтҳои нави ҳамкориро, бахусус дар соҳаи фаъолгардонии соҳаи савдо ва беҳгардонии алоқаҳои нақлиётӣ мавриди баррасӣ қарор доданд. Дар анҷоми вохӯрӣ тарафҳо азми қавии худро ҷиҳати густариши минбаъдаи ҳамкориҳо дар самтҳои гуногуни иқтисодиёт баён доштанд.