Вохӯрии Неъматулло Ҳикматуллозода бо Сафири Фаронса
5 январи соли 2017 дар Вазорати рушди иқтисод ва савдо, вохӯрии Вазир, Неъматулло Ҳикматуллозода бо Сафири Фаронса дар Тоҷикистон, хонум Ясмин Гуэдар сурат гирифт.
Дар ҷараёни мулоқот, ки дар шароити ҳамдигарфаҳмӣ сурат гирифт, ҷонибҳо атрофи масъалаҳои вобаста ба рушди ҳамкориҳои дуҷониба дар соҳаҳои сармоягузорӣ, энергетика, тиҷорат, кишоварзӣ ва сайёҳӣ мубодилаи афкори судманд намуданд.
Дар интиҳои вохӯрӣ тарафҳо азми қавии худро ҷиҳати густариши минбаъдаи ҳамкориҳо байни Ҷумҳурии Тоҷикистон ва Фаронса баён доштанд.
