Вохӯрии Вазир бо Роҳбари намояндагии Хазинаи кӯдакони СММ дар Тоҷикистон.
2 октябри соли 2017 дар Вазорати рушди иқтисод ва савдо вохӯрии Вазир, Неъматулло Ҳикматуллозода бо Роҳбари намояндагии Хазинаи кӯдакони СММ (UNICEF) дар Тоҷикистон Лучиано Калестини баргузор гардид.
Зимни мулоқот, ки дар шароити ҳамдигарфаҳмӣ доир гашт, ҷонибҳо масъалаҳои вобаста ба рушди ҳамкориҳои дуҷониба вобаста ба ҳуқуқи кӯдак инчунин, атрофи ҳадаф ва афзалиятҳои Стратегияи миллии рушди Ҷумҳурии Тоҷикистон барои давраи то соли 2030 мубодилаи афкори судманд намуданд.
Дар анҷоми вохӯрӣ тарафҳо азми қавии худро ҷиҳати густариши минбаъдаи ҳамкориҳо байни Вазорати рушди иқтисод ва савдои Ҷумҳурии Тоҷикистон ва намояндагии Хазинаи кӯдакони СММ (UNICEF) дар Тоҷикистон баён доштанд.
