Мулоқоти Неъматулло Ҳикматуллозода бо ҷаноби Андреа ДаллОлио
Рӯзи 3 декабри соли ҷорӣ дар Вазорати рушди иқтисод ва савдои Ҷумҳурии Тоҷикистон мулоқоти Вазир, Неъматулло Ҳикматуллозода бо ҳайати Бонки Ҷаҳонӣ, ки таҳти роҳбарии ҷаноби Андреа ДаллОлио ба шаҳри Душанбе ташриф овардааст, баргузор гардид.
Ҳангоми мулоқот, ки бо ҳусни тафоҳум сурат гирифт, ҷонибҳо доир ба рушди иқтисодии деҳот, аз ҷумла диверсификатсияи маҳсулоти кишоварзӣ, воридоти технологияи муосир, сохтмони гармхонаву сардхонаҳо, ҷойҳои хушккунии маҳсулот ва бандубасти он, таъсиси ҷойҳои нави корӣ ва боло бурдани иқтидори содиротии кишвар мубодилаи афкор намуданд.
Инчунин, дар рафти вохӯрӣ вобаста ба рушди сайёҳӣ, аз ҷумла фароҳам овардани инфрасохтори мусоид, сохтмони меҳмонхонаҳо, рушди авиатсияи хурд, дӯконҳои фурӯши ҳунарҳои мардумӣ ва муаррифии мавзеъҳои таърихӣ ва то сатҳи мавзеъҳои сайёҳии байналмилалӣ баровардани онҳо суҳбат оростанд.
Дар интиҳо тарафҳо омодагии худро ҷиҳати густариши ҳамкориҳои минбаъда баён намуданд.
