Суханронии Вазири рушди иқтисод ва савдо дар конфронси мавзӯӣ таҳти шиори "ҳамгироии сиёсӣ"

Дар ҳошияи Форуми дуюми ҳамкории байналмилалии "Як камарбанд, як роҳ" конфронси мавзӯӣ таҳти шиори "Ҳамгироии сиёсӣ" баргузор гардид, ки дар он як қатор намояндагони воломақоми кишварҳои ширкаткунанда, аз ҷумла Су Вей - Муовини Котиби генералии Комиссияи миллии рушд ва ислоҳоти Ҷумҳурии Мардумии Чин, Нин Ҷизе - Раиси Раёсати Комиссияи миллии рушд ва ислоҳоти Ҷумҳурии Мардумии Чин, Эссам Абделазиз Аҳмад Шараф - Собиқ Сарвазири Миср, Аъзои Шӯрои машварати форуми "Як камарбанд, як роҳ", Ҷон Гордон Уолтер - Президенти Ташкилоти байналмилалии стандартизатсия, Ли Йонг - Директори генералии рушди саноати Созмони Милали Муттаҳид ва дигарон иштирок намуданд.

Дар конфронси мазкур Вазири рушди иқтисод ва савдо Неъматулло Ҳикматуллозода дар мавзӯъи "Тақвияти талошҳои муштарак дар пешбурди сиёсат тавассути машваратҳои ҳамаҷониба, кӯшишҳои муштарак ва манфиатҳои умумӣ" баромад ва суханронӣ намуданд.