22 сентябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пас аз ифтитоҳи як қатор иншооти таъиноти гуногун дар маркази ноҳияи Рашт бо роҳбарону фаъолони ноҳияҳои водии Рашт мулоқоти самимӣ доир карда, дар барномаи фарҳангӣ бахшида ба 30-юмин солгарди Истиқлолияти давлатӣ иштирок намуданд.

21 сентябр дар ноҳияи Рашт Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Маркази хизматрасонии «Сияриён» ва терминали мусофиркашонии минтақавиро мавриди баҳрабардорӣ қарор доданд.

21 сентябри соли 2021 таҳти ҳамраисии Вазири рушди иқтисод ва савдо Завқизода Завқӣ Амин ва Ҳамоҳангсози доимии Созмони Милали Муттаҳид дар Тоҷикистон Сезин Синаноглу бо иштироки Вазири энергетика ва захираҳои об, Вазири меҳнат, муҳоҷират ва шуғли аҳолӣ, Раиси Кумитаи давлатии сармоягузорӣ ва идораи амволи давлатӣ ва роҳбарони дигар вазорату идораҳои дахлдор, намояндагони оҷонсиҳои СММ ҷаласа ҷиҳати таҳияи лоиҳаи Чаҳорчӯбаи ҳамкории Ҳукумати Ҷумҳурии Тоҷикистон ва СММ оид ба рушди устувор барои солҳои 2023-2026 ҷиҳати баррасии афзалиятҳои стратегии ҳамкорӣ баргузор гардид.