12 январи соли 2017 дар Вазорати рушди иқтисод ва савдо ҷаласа оид ба қабули пешниҳоди Ҷумҳурии Тоҷикистон аз ҷониби Маҷмаи Умумии Созмони Милали Муттаҳид ҷиҳати эълон намудани Даҳсолаи байналмилалии амал «Об барои рушди устувор», солҳои 2018-2028 бо иштироки роҳбарият ва кормандони дастгоҳи марказии Вазорат, инчунин намояндагони васоити ахбори оммаи кишвар баргузор гардид.

10 январи соли 2017 дар Вазорати рушди иқтисод ва савдо вохӯрии намояндагони Вазорат бо намояндаи Бонки Осиёии Рушд оид ба таҳлили лоиҳаҳои шарикии давлат ва бахши хусусӣ- Ҳамоҳангсози Раёсати Осиё ва Уқёнуси ором, ҷаноби Ҷозеф Лим сурат гирифт.

Вазъи умумии робитаҳои иқтисодӣ ва дурнамои рушди ҳамкориҳои иқтисодию тиҷоратӣ байни ду кишвар аз мавзӯъҳое буданд, ки 6 январи соли ҷорӣ дар мулоқоти Вазири рушди иқтисод ва савдо Неъматулло Ҳикматуллозода бо Сафири фавқулодда ва мухтори Украина дар Ҷумҳурии Тоҷикистон, ҷаноби Виктор Никитюк мавриди баррасӣ қарор гирифтанд.