Ба роҳ мондани асосҳои ҳуқуқию шартномавӣ ва ривоҷ додани ҳамкориҳои иқтисодию тиҷоратии Ҷумҳурии Тоҷикистон бо Ҷумҳурии Эстония дар мулоқоти имрӯзаи муовини Вазири рушди иқтисод ва савдо Умед Давлатзод бо Сафири навтаъйини фавқулода ва мухтори ин кишвар ҷаноби Яан Рейнхолд мавриди баррасӣ қарор гирифт.

Баррасии ҳамкориҳои самарбахши иқтисодӣ байни Тоҷикистон ва Туркия мавзӯи асосии мулоқоти Вазири рушди иқтисод ва савдо Шариф Раҳимзода бо раиси Гурӯҳи дӯстӣ ва ҳамкории Парлумони Туркия ҷаноби Мустафо Кабакчӣ ва ҳайати ҳамраҳонаш гардид, ки имрӯз дар Вазорати рушди иқтисод ва савдо баргузор гардид.

12 ноябри соли 2014 дар Вазорати рушди иқтисод ва савдо вохӯрии Вазир, Шариф Раҳимзода бо Раиси вилояти Хуросони Разавии Ҷумҳурии Исломии Эрон ҷаноби Алиризо Рашидиён ва ҳайати ҳамроҳонаш, ки ҷиҳати иштирок дар Намоишгоҳи байналмилалии саноатии ин кишвар ба Душанбе ташриф овардаанд, баргузор гардид.