Ҷашни Сарқонун дар Вазорат
Имрӯз дар Вазорати рушди иқтисод ва савдо бо иштироки роҳбарияти Вазорат, сардорони воҳидҳои сохторӣ ва кормандони Дастгоҳи марказӣ бахшида ба 19-умин солгарди қабули Конститутсия (Сарқонун)-и Ҷумҳурии Тоҷикистон ҷамъомади тантанавӣ баргузор гардид.
Дар ҷамъомад Вазири рушди иқтисод ва савдо Шариф Раҳимзода оид ба нақш ва мақоми Сарқонун дар ҳаёти ҷомеа, ҳуқуқ ва озодиҳое, ки тибқи Конститутсия ба шаҳрвандони ҷумҳурӣ кафолат дода шудааст, сухан ронда, кормандонро ба ин санаи фархунда табрик намуданд.
Ҷаласаи васеи Ҳайати мушовара
Имрӯз дар Вазорати рушди иқтисод ва савдо ҷаласаи васеи Ҳайати мушовара баргузор гардид,ки дар он Вазири рушди иқтисод ва савдо Ш.Раҳимзода, муовинони Вазир, сардорони сарраёсатҳо- аъзои Ҳайати мушовараи Вазорат, роҳбарони муассисаҳои тобеи Вазорати рушди иқтисод ва савдо, сардорон ва кормандони воҳидҳои сохтории Дастгоҳи марказии Вазорат иштирок намуданд.
Ҷаласаи Шӯрои ҳамоҳангсоз оид ба МОИ
Имрӯз бо ибтикори Вазорати рушди иқтисод ва савдо дар якҷоягӣ бо Созмони амнияту ҳамкорӣ дар Аврупо ҷаласаи ҳафтуми Шӯрои ҳамоҳангсоз оид ба масъалаҳои Минтақаҳои озоди иқтисодӣ дар Ҷумҳурии Тоҷикистон баргузор гардид, ки дар он намояндагони мақомоти давлатӣ, сафоратхонаҳо ва созмонҳои байналмилалӣ, ҳамчунин бахши хусусӣ ширкат варзиданд.