7- уми январи соли 2015 дар Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо Шариф Раҳимзода бо Сафири Ҷопон дар Ҷумҳурии Тоҷикистон ҷаноби Такаши Камада сурат гирифт.

26 декабри соли 2014 дар Вазорати рушди иқтисод ва савдо маросими расмии натиҷаҳои озмуни қаблан эълонгардида доир ба инъикоси раванди татбиқи Стратегияи баланд бардоштани сатҳи некӯаҳволии мардуми Тоҷикистон (СБСНМТ) барои солҳои 2013-2015, ки аз ҷониби Вазорати рушди иқтисод ва савдо дар ҳамкорӣ бо Барномаи рушди СММ миёни намояндагони васоити ахбори оммаи ватанӣ эълон шуда буд, баргузор гардид.

Баррасии ҳамкориҳои иқтисодию тиҷоратии Ҷумҳурии Тоҷикистон бо Ҷумҳурии Тотористони Федератсияи Россия аз мавзуъҳои асосии вохӯрии муовини Вазири рушди иқтисод ва савдо Гулрӯ Қаюмова бо ҳайати намояндагони ин ҷумҳурӣ таҳти раёсати муовини аввали Вазири саноат ва савдои Тотористон Руслан Кабиров маҳсуб меёфт, ки рӯзи 22 декабри соли ҷорӣ дар Вазорати рушди иқтисод ва савдо доир гардид.