Рузҳои 27-28 сентябри соли ҷорӣ дар бинои Вазорати рушди иқтисод ва савдои Ҷумҳурии Тоҷикистон дар доираи кумаки техникии СУС Семинар оид ба принсипҳои шаффофият дар созишномаҳои СУС оид ба Чораҳои санитарӣ ва фитосанитарӣ ва Монеаҳои техникӣ дар савдо баргузор гардид. Дар семинари болозикр намояндагони вазорату идораҳои Ҷумҳурии Тоҷикистон иштирок намудаанд.

27 сентябри соли ҷорӣ вохӯрии Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо Директори Институти Ҳамкориҳои Минтақавии Иқтисодии Осиёи Марказӣ ҷаноби Кубат Умурзаков баргузор гардид. Ҳамчунин дар ин вохӯрӣ намояндагони вазорату идораҳои дахлдори кишвар ҳузур доштанд. 

Имрӯз дар Вазорати рушди иқтисод ва савдои Ҷумҳурии Тоҷикистон рӯнамои Стратегияи шарикии Бонки Осиёии Рушд ва Ҷумҳурии Тоҷикистон барои давраи солҳои 2016-2020 баргузор гардид.