Все статьи

Ситоди ҷумҳуриявӣ оид ба омодагии вилояти Суғд ба зимистонгузаронӣ

Подробности статьи

Санаи 25 ноябри соли 2020 ҷаласаи Ситоди ҷумҳуриявӣ оид ба иҷрои қарори Ҳукумати Ҷумҳурии Тоҷикистон аз 31 марти соли 2020, №199 “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021» таҳти роҳбарии муовини Сарвазири Ҷумҳурии Тоҷикистон Усмонзода Усмоналӣ Юнусалӣ баргузор гардида, дар он омодагии вилояти Суғд ба зимистонгузаронӣ мавриди баррасӣ қарор дода шуд.

Қирғизистон метавонад содироти чорворо манъ кунад

Подробности статьи

Тибқи маълумоти Агентии давлатии танзими зиддиинҳисории назди Ҳукумати Қирғизистон маҳдудиятҳои қаблан ҷорикардаи Қазоқистон ба зиёд шудани содироти ҳайвонот аз Қирғизистон ба Ӯзбекистон ва Тоҷикистон боис гардид. Қазоқистон бо мақсади пешгирии болорави нархи гӯшт дар кишвар ба содироти он маҳдудият ҷорӣ намуд, ки дар натиҷа Ӯзбекистон ва Тоҷикистон ҳаҷми хариди чорвои калонро аз Қирғизистон зиёд намуданд. Дар натиҷа аз фурсати муносиб истифода намуда, бисёре аз фурӯшандагон нархҳоро дар Қирғизистон баланд карданд. Аз ин лиҳоз эҳтимол меравад, ки аз ҷониби Қирғизистон низ барои содирот намудани чорвои калон маҳдудият ҷорӣ карда шавад.

Вокуниши Беларус дар робита бо таҳримҳои Иттиҳоди Аврупо (ИА)

Подробности статьи

Тибқи маълумоти Вазорати корҳои хориҷии Беларус дар ҳолати зиёд намудани таҳримҳо аз ҷониби шарикони аврупоӣ тадбирҳои андешидашудаи зиддитаҳримӣ пешниҳод карда мешавад. Президенти Беларус як қатор чораҳоеро, ки Ҳукумати Беларус дар сурати шадидтар шудани таҳримҳои ИА андешидааст, дастгирӣ намуд. Рӯзи 6 ноябр ИА таҳримҳоро бар зидди мансабдорони Беларус, аз ҷумла Александр Лукашенко ҷорӣ намуд. 13 ноябр эълон намуд, ки дар робита ба марги мухолифи давлат Роман Бондаренко таҳримҳоро нисбат ба Минск зиёд менамояд.

Мақоми Ӯзбекистон дар рейтинги ҷаҳонии брендҳои миллӣ

Подробности статьи

Дар байни кишварҳои ИДМ Россия ва Қазоқистон дар рейтинги ҷаҳонии брендҳои миллӣ ҷойҳои худро дар мавқеи 14 ва 44 нигоҳ дошта, Украина дар ҷойи 55-ум, Туркманистон 81-ум, Озарбойҷон 85-ум ва Ӯзбекистон дар ҷойи 61-ум қарор гирифтанд. Дар рейтинги ҷаҳонии брендҳои миллӣ Ӯзбекистон дар 1 соли охир мақоми худро 9 сатҳ беҳтар намуд. Баҳодиҳии брендҳои миллӣ аз рӯи якчанд нишондиҳандаҳо, аз ҷумла нишондиҳандаҳои макроиқтисодӣ, вазъи фаъолияти иқтисодии хориҷӣ, ҷалби сармоягузорӣ, рушди сайёҳӣ, сиёсат ва муносибатҳои тиҷоратӣ муайян карда мешавад. Мувофиқи мақсад мебошад, ки ҷиҳати шомил гардидани Ҷумҳурии Тоҷикистон дар рейтинги мазкур ва муаррифии брендҳои миллии кишвар аз ҷониби масъулин тадбирҳо андешида шаванд.

ММД-и кишварҳои БРИКС дар соли 2021 6-7 фоиз меафзояд

Подробности статьи

 Дар форуми молиявии Механизми ҳамкории байнибонкии БРИКС роҳбари Бонки иқтисоди хориҷии Россия хабар дод, ки тибқи баҳодиҳии Институти тадқиқотӣ ва экспертизаи Бонк дар соли 2021 суръати рушди иқтисодиёти БРИКС 6-7фоизро ташкил медиҳад. Ӯ қайд кард, ки давлатҳои БРИКС аз ҳолати бӯҳронӣ бо суръатҳои гуногун вобаста аз ҳаҷми қарзи давлатӣ ва касри буҷет, инчунин имкониятҳои татбиқи тадбирҳои зиддибӯҳронӣ мебароянд. Санаи 17 ноябри соли 2020 таҳти роҳбарии Владимир Путин саммити XII-уми БРИКС дар реҷаи видеоконфоронс баргузор гардид. Президенти Федератсияи Россия ҳангоми суханронӣ дар саммити иттиҳодияи байнидавлатӣ қайд кард, ки кишварҳои БРИКС ба эпидемия омода буданд ва ҳоло Бонки нави Рушди БРИКС барои мубориза бо пандемия 10 млрд. доллар захира кардааст. Кишварҳои БРИКС панҷ сол қабл дар Эъломияи Уфа барои якҷо мубориза бурдан бар зидди паҳншавии бемориҳои сироятӣ ба мувофиқа расида, системаи огоҳкунии бармаҳали эпидемияро таъсис додаанд. Кишварҳои БРИКС мехоҳанд то соли 2021 ҳаҷми сандуқи сармоягузории бонкро ба 23 млрд. доллар расонанд. Бонки Нави Рушд дар асоси созишномаи байниҳукуматӣ, ки моҳи июли соли 2014 ба имзо расидааст, таъсис дода шудааст. 

Пешгӯии барқароршавии иқтисодиёти ИМА аз ҷониби Низоми захиравии федеролӣ

Подробности статьи

Роҳбарияти Низоми захиравии федеролӣ изҳор намуд, ки шумораи беморони сироятии коронавирус дар кишвар ва ҷаҳон зиёд гардида, он барои барқароршавии иқтисодиёти ҷаҳонӣ монеагӣ эҷод мекунад. Ширкати инноватсионии биофармасевтикии «Файзер» («Pfizer») якҷо бо ширкати Олмонии «Биотех» («BioNTech») ваксина бар зидди коронавирус ихтироъ намуданд, ки самаранокии он 90 фоизро нишон дод. Пас аз он дар бозори фондии ИМА нархҳои саҳмияҳо боло рафтанд. Даромади даҳсолаи вомбаргҳои давлатии ИМА пас аз изҳороти Ширкати мазкур аз 0,821 фоиз то 0,957 фоиз боло рафт.

Вохурии Вазири рушди иқтисод ва савдо Завқизода Завқӣ Амин бо роҳбари навтаъини Агентии Япония оид ба ҳамкориҳои байналмилалӣ ҷаноби Такасава Мунео

Подробности статьи

24 ноябри соли 2020 Вазири рушди иқтисод ва савдо Завқизода Завқӣ Амин Роҳбари навтаъини Агентии Яаония оид ба ҳамкориҳои байналмилалӣ ҷаноби Такасава Мунео ба ҳузур пазируфтанд.

Бахшида ба Рӯзи Парчами давлатӣ дар вазорат ҳамоиши тантанавӣ баргузор гардид.

Подробности статьи

24 ноябри соли 2020 дар Вазрати рушди иқтисод ва савдо ҷамъомади тантанавии ҳайати кормандони вазорат ба муносибати Рӯзи Парчами давлатии Ҷумҳурии Тоҷикистон баргузор гардид. Ҳамоишро Муовини якуми вазири рушди иқтисод ва савдо Солеҳзода Ашурбой Абдувоҳид ифтитоҳ карда, ҳозиринро аз номи роҳбарияти вазорат ба ифтихори Рӯзи Парчами давлатӣ табрику муборакбод намуда, қайд кард, ки Парчами давлатӣ яке аз рамзҳои муҳими истиқлолияти миллӣ ва давлатдории муосир, таҷассумгари асосҳои таърихӣ ва рамзҳои давлатдории гузаштагони мо, ҳамзамон ифодакунандаи мақсаду маром ва орзуву ормонҳои тамоми мардуми кишвар мебошад.

Солеҳзода Ашурбой Абдулвоҳид

Подробности статьи

Солеҳзода Ашурбой Абдулвоҳид

Собиқаи корӣ:

Ситоди ҷумҳурявӣ оид ба зимистонгузаронӣ

Подробности статьи

Санаи 18 ноябри соли 2020 ҷаласаи Ситоди ҷумҳурявӣ оид ба иҷрои қарори Ҳукумати Ҷумҳурии Тоҷикистон аз 31 марти соли 2020, №199 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъоляти мунтазам ва самарабахш дар давраи тирамоҳу зимистони солҳои 2020-2021» таҳти роҳбарии муовини Сарвазири Ҷумҳурии Тоҷикистон Усмонзода Усмоналӣ Юнусалӣ баргузор гардид, дар он омодагии Вилояти Мухтори Кӯҳистони Бадахшон ба зимитонгузаронӣ мавриди баррасӣ қарор дода шуд.