Ҳисоботии Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон
Санаи 20 феврали соли 2020 дар бинои Вазорати рушди иқтисод ва савдо ҷаласаи ҷамъбастии Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон барои соли 2019 баргузор гардид.
Дар ҷаласа аъзои Шӯрои миллӣ - намояндагони вазорату идораҳои дахлдор ва бахши хусусӣ иштирок намуданд.
Ҷаласаро муовини вазири рушди иқтисод ва савдо Илёсиддин Камолиддинзода ифтитоҳ намуда, вобаста ба иҷрои корҳои анҷомдодашуда ва саҳмгузории аъзои Шӯрои мазкур дар рушди соҳаи моликияти зеҳнӣ дар соли 2019 изҳори сипос намуд.
Тибқи тартиби муқарраргардида, дар ҷаласа ҳисоботи муффасал оид ба иҷрои бандҳои Нақшаи кори Шӯро ва ҳисоботи намояндагони Шӯроҳои мақомоти иҷроияи ҳокимияти давлатии ВМКБ, вилоятҳои Хатлон ва Суғд ва шаҳри Душанбе шунида шуд.
