Вохӯрии Вазир бо Петер Буриан

23 январи соли ҷорӣ дар Вазорати рушди иқтисод ва савдо вохӯрии Вазир, Неъматулло Ҳикматуллозода бо Намояндаи махсуси Иттиҳоди Аврупо дар Осиёи Марказӣ ҷаноби Петер Буриан баргузор гардид.

Дар ҷараёни мулоқот, ки дар шароити ҳамдигарфаҳмӣ сурат гирифт, ҷонибҳо атрофи ҳадафҳо ва афзалиятҳои Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати рушди Ҷумҳурии Тоҷикистон барои солҳои 2016-2020, инчунин оид ба масъалаҳои вобаста ба рушди ҳамкориҳои дуҷониба дар соҳаҳои кишоварзӣ, тандурустӣ ва маориф мубодилаи афкори судманд намуданд. 

Дар интиҳои вохӯрӣ тарафҳо азми қавии худро ҷиҳати густариши минбаъдаи ҳамкориҳо байни Ҷумҳурии Тоҷикистон ва Иттиҳоди Аврупо баён доштанд.