Баррасии ҳамкориҳо бо Фонди тадқиқотии Кореяи Ҷанубӣ "Сооам Биотех - Ресеарч Фоундейшн"
10 июли соли ҷорӣ вохӯрии Вазири рушди иқтисод ва савдо Неъматулло Ҳикматуллозода бо директори генералии Фонди тадқиқотии Кореяи Ҷанубӣ "Сооам Биотех - Ресеарч Фоундейшн" - доктор Хуан Ву Сук баргузор гардид.
Дар рафти мулоқот ҷонибҳо атрофи масъалаҳои вобаста ба рушди ҳамкориҳои дуҷонибаи иқтисодию-технологӣ ва илмию-техникӣ дар соҳаҳои кишоварзӣ, чорводорӣ ва туризм мубодилаи афкори судманд намуданд.
Дар навбати худ, доктор Хуан Ву Сук иброз намуд, ки Ҷумҳурии Тоҷикистон дорои потенсиали рушди чорвои нодир мебошад, аз ин лиҳоз, намояндагони фонди тадқиқотии мазкур барои омӯзиши имкониятҳо дар ин соҳа ба Ҷумҳурии Тоҷикистон ташриф овардаанд.
Дар интиҳо, тарафҳо ба роҳ мондани ҳамкориҳои мутақобиларо дар самтҳои болозикр изҳор намуданд.
