Рӯзҳои 19-21 ноябри соли ҷорӣ ҳайати Ҷумҳурии Тоҷикистон бо роҳбарии Муовини Сарвазири Ҷумҳурии Тоҷикистон муҳтарам Азим Иброҳим ҷиҳати иштирок дар «Ҳафтаи Авруосиё»-и Созмони ҳамкории иқтисодӣ ва рушд (СҲИР) ба шаҳри Парижи Ҷумҳурии Фаронса сафар намуданд.

20 ноябри соли ҷорӣ Вазири рушди иқтисод ва савдо Неъматулло Ҳикматуллозода дар оғози вохӯрӣ Сафири навтаъйини Малайзия дар Ҷумҳурии Тоҷикистон (бо қароргоҳ дар ш.Тошкент) ҷаноби Ҳенди Ассан барои ташриф ва таъйин шуданаш ба ин мақом муборакбод намуда, изҳори боварӣ намуд, ки аз ин пас робитаҳои иқтисодию тиҷоратӣ байни ду кишвар густариши бештар касб хоҳад кард.

20 ноябр дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 12 сафири навтаъйиншудаи кишварҳои хориҷ эътимоднома қабул намуданд.