14 октябри соли 2016 дар МД «Китобхонаи миллии Тоҷикистон» Форуми байналмилалии соҳибкорӣ «Душанбе -2016» баргузор гардид.

13 октябри соли ҷорӣ вохӯрии муовини Вазири рушди иқтисод ва савдои Ҷумҳурии Тоҷикистон Умед Давлатзод бо ҳайати намояндагони Бонки Ҷаҳони таҳти роҳбарии Раҷендра Сингх баргузор гардид.

Дар ҷараёни мулоқот, ҷонибҳо дар атрофи масъалаи лоиҳаи КАСА-и Рақамӣ (собиқ лоиҳаи CARFON) мубодилаи афкор намуданд. Яке аз мақсадҳои асосии ин лоиҳа ин муаррифии Тоҷикистон ҳамчун маркази телекоммуникатсионии минтақа мебошад. Ба ғайр аз ин, лоиҳаи мазкур ба яке аз ҳадафҳои стратегии Тоҷикистон – баромадан аз бунбасти коммуникатсионӣ ҳамоҳанг мебошад.

Дар анҷоми вохӯрӣ тарафҳо азми қавии худро ҷиҳати густариши минбаъдаи ҳамкории дуҷониба байни Тоҷикистон ва Бонки Ҷаҳонӣ дар ҳамаи самтҳои афзалиятдоштаи иқтисодиёт баён доштанд.

13-уми октябри соли ҷорӣ вохӯрии муовини Вазири рушди иқтисод ва савдои Ҷумҳурии Тоҷикистон Умед Давлатзод бо муовини Директори Агентии Корея оид ба ҳамкории байналмилалӣ (КОICA) ҷаноби Ки Кюнг Сеок баргузор гардид. 

Дар рафти мулоқот ҷонибҳо аз ҳамкориҳои ҷойдошта байни ду кишвар ҳарф зада, имконияту зарурияти вусъат бахшидани равобити мутақобиларо дар партави пешниҳодҳои дуҷониба, ки дар рафти сафари Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба ин мамлакати мутараққӣ баён гардидаанд, таъкид намуданд.

Ҳамзамон дар ҷараёни мулоқот ҷонибҳо атрофи лоиҳаи сохтмони нерӯгоҳҳои обию барқӣ ва дигар масъалаҳои афзалиятноки рушди иқтисодию иҷтимоии минтақаи Рашт мубодилаи афкор намуданд.